AQSh-ta ótken prezıdent saılaýynda jeńiske jetken Donald Tramp Aq úıde qazirgi prezıdent Djo Baıdenmen kezdesti, dep habarlaıdy "Adyrna" ulttyq portaly VVS-ge siltep.
Kezdesý kezinde Baıden kelesi prezıdentke bılikti beıbit túrde tabystaýǵa nıetti ekenin aıtsa, al Tramp bul proess «múmkindiginshe sátti ótkenin» jetkizdi.
«Qurmetti saılanǵan prezıdent jáne burynǵy prezıdent Donald, sizdi quttyqtaımyn! Biz bıliktiń beıbit túrde tabystalýyn qamtamasyz etkimiz keledi jáne sizge qajetti jaǵdaıdyń bárin jasaýǵa daıynbyz, — dedi Baıden Trampqa. — Búgin biz osy máselelerdi talqylaı alamyz. Qosh keldińiz jáne qaıta oralýyńyzben quttyqtaımyn!»
Eki saıasatker qol alysyp:
«Saıasat – qatal dúnıe, al jalpy ómir de kóp jaǵdaıda jaıly emes. Biraq búgin bul kún erekshe, jáne men muny joǵary baǵalaımyn», — dedi Tramp.
Saılaýaldy naýqan kezinde Tramp pen Baıden bir-birine qatty syn aıtqan bolatyn. Sońǵy ret olar maýsym aıynda ótken debatta kezdesken edi. Sol debattardan keıin Baıden jasyna jáne prezıdenttik mindetterin atqarý qabiletine qatysty alańdaýshylyqtardan keıin saılaý dodasynan shyǵyp ketken.
Saılanǵan prezıdenttiń qyzmetten ketip jatqan prezıdentpen kezdesýi – amerıkandyq saıası ómirdegi ejelgi dástúr.
