Atyraý oblysy Maqat aýdany Kishkene eldi mekeni gaz óńdeý zaýytynyń jumyskerleri prezıdent Qasym-Jomart Toqaevqa úndeý jasady, dep habarlaıdy "Adyrna" ulttyq portaly Ulysmedia-ǵa silteme jasap.
Olar óz úndeýlerinde zaýyt basshylyǵy zańsyz qýdalap jatqanyn aıtýda.
"Qazaq eli, biz, Kishkene eldi mekeni, gaz óńdeý zaýyty Qazaq Constraction Group mekemesinde jumys jasaıtyn jumysshylarmyz. Búgin Qasym-Jomart Toqaev Kemeulyna úndeý jasaımyz. Bizdiń qoıar talabymyz – Eskene gaz óńdeý zaýytyna arnaıy komıssııa jiberýińizdi suraımyz. Bizdiń aıtar ýájimiz – Maqat aýdanynyń ákimi, depýtattary jáne Qazaq Constraction Group basshylarymen birlesip aýyz jalasýda. Zaýyttyń aıaqtalý paıyzyn ótirik aıtyp, halyqty, jumysshylardy aldaýda. Biz basshylarǵa ýájimizdi aıtsaq, jumystan adamdardy shyǵaryp, qýdalaýda, – deıdi jumysshylar.
Olar biraýyzdan keıbir basshylardyń jumystan ketýin talap etip otyr.
"Qazaq Constraction Group dırektory Maqsat Qadyrqul myrza bizge 5 qazan kúni jınalys bolyp, dırektor Faızýlla, zam Murádil, nachalnık ýchastka Nurbek, SB Almat, Saıt menedjeri Ótebaev Talǵat, eńbek qatynasy Bekzat, otdel kadrov Lıazzat esimdi basshylardy jumystan shyǵarýdy ýáde berip, oryndamady. Jumys ornynda júrip jumysshylarǵa qysym kórsetýde. Bizdiń naqty talabymyz osy atalǵan adamdardy jumystan tez arada ketirip, ózińizdiń arnaıy komıssııańyzdy jiberýdi talap etemiz", – deıdi zaýyt jumysshylary.
