Stanıslav Cherchesov Qazaqstan fýtbol quramasynan ketýi múmkin. Bul týraly sport jýrnalısi Ermuhamed Máýlen telegram arnasynda aıtty, dep habarlaıdy “Adyrna” ulttyq portaly.
Maýlenniń aıtýynsha, aldaǵy eki oıyn sheshýshi bolady.
«Aldaǵy eki kezdesý Stanıslav Cherchesov úshin óte mańyzdy bolmaq. Nátıjesi tym nashar bolsa, jumystan shyǵarylýy ábden múmkin. Jańa prezıdent jańa bas bapkerdi taǵaıyndaǵysy keletini anyq», - dedi ol.
Kelesi oıyndarda Qazaqstan óz alańynda Avstrııamen, syrtta Norvegııamen oınaıdy.
Aıta keteıik, Stanıslav Cherchesov Qazaqstan quramasynyń bas bapkeri bolyp taǵaıyndalǵaly beri tórt kezdesýdiń eshqaısysynda jeńiske jetken joq. Sońǵy oıynda qazaqstandyqtar Slovenııadan mınımaldy 0:1 esebimen utyldy.
Buǵan deıin Cherchesov Qazaqstan quramasynyń jyldyń sheshýshi matchtaryna qatysatyn quramyn jarııalaǵan bolatyn.
Aıta keteıik, Cherchesov qazaq tilin “qorlady” dep aıyptalyp, aıyppul arqalaǵan edi.
