Pavlodarda daýyl saldarynan Lenınniń eskertkishi qulap, usaq bólshekterge bólinip ketti, dep habarlaıdy “Adyrna” ulttyq portaly.
PavlodarNews saıtynyń málimetinshe, «Balalyq shaq» saıabaǵynda 7 qarashadan 8 qarashaǵa qaraǵan túni qatty daýyl saldarynan shyrsha qulap, Lenın eskertkishin qıratqan. Endi ol qalpyna keltirýge jaramaıdy.
Lenınniń bul eskertkishi 1928 jyly 1 shildede buryn Kazak alańy dep atalǵan jerde ashylǵan edi.
“Eskertkishtiń turǵanyna 100 jyl taqap qalǵan bolatyn. Onyń qasynda 67 jyl ósken aǵash buryndary otyrǵyzylǵan tórt shyrshadan aman qalǵan jalǵyz shyrsha bolatyn. Qazirgi ýaqytta qulaǵan aǵashty kesý jáne tazalaý jumystary aıaqtaldy. Kelesi aptada tuǵyr bólshekteledi. 1928 jyly Arab árpimen jazylǵan biregeı jazýy bar taqta saqtalady. Aldaǵy ýaqytta jurtshylyqpen jan-jaqty talqylanyp, bul jerde ne ornalasatyny týraly sheshim qabyldanatyn bolady”,– dedi qala ákiminiń orynbasary Svetlana Gladysheva.
Onyń aıtýynsha, sońǵy ret eskertkishti qaıta qurý 2022 jyly jeke ınvestorlardyń esebinen júrgizildi.
“Qazirdiń ózinde, biz sol jerde irgetastyń joıylǵanyn kórdik. Iaǵnı negizgi metall korpýstyń birneshe aqaýlary bolǵan. Sondyqtan qurylym aýa raıyna tótep bere almaı, mundaı jaǵdaı oryn aldy”,– dedi Svetlana Gladysheva.
Kóne eskertkish mádenı muralar men eskertkishter tiziliminde kórsetilmegen.
1917 jyly 7 qarashada Vladımır Lenın bastaǵan bolshevıkterdiń áskerı-revolıýııalyq komıteti Ýaqytsha úkimetti qulatyp, Reseı bıligin qolǵa aldy. Reseı tarıhyndaǵy, adamzat tarıhyndaǵy qandy repressııa, saıası qýǵyn-súrgin jáne birneshe Asharshylyǵymen jáne mıllıondaǵan adamdardyń shyǵynymen este qalǵan kommýnıstik partııa bastatqan bolshevıkter bıligi 74 jyldan soń, 1991 jyly jeltoqsanda kúırep tyndy. Kompartııa ekonomıkanyń quldyraýy saldarynan óz-ózinen ydyrady. Sodan keıin Lenın eskertkishteri qalalardyń ortalyq alańdarynan alynyp tastaldy.
