Jaqynda ál-Farabı atyndaǵy QazUÝ-niń Jýrnalıstıka fakýlteti Baspagerlik-redaktorlyq jáne dızaınerlik óner kafedrasynyń uıymdastyrýymen «Atamura» korporııasynyń prezıdenti Raqymǵalı Qul-Muhammed pen «Atamura» baspasynyń jetekshi redaktorlary Raıhan Raıbaeva, Nazıra Bekhojaevamen kezdesý ótti.
«Atamura» baspasy 1992 jyly 4 aqpanda qurylyp, qazirgi tańda 1000-ǵa jýyq qyzmetker jumys isteıtin aldyńǵy qatarly baspa.
Kezdesýde jýrnalıstıka fakýlteti men «Atamura» baspasynyń arasyndaǵy shyǵarmashylyq baılanys týraly máseleler qozǵalyp, stýdentterdiń baspaǵa qatysty suraqtaryna jaýap berildi. Sonymen qatar oqýlyqtardy oryndy, orynsyz synaıtyndar jaıly ashyq sóz qozǵaldy. «Atamura» baspasy oqýlyqtan basqa polıgrafııalyq ónimniń barlyǵyn shyǵarady.
«Atamura» baspa korporaııasynyń prezıdenti Raqymǵalı Abraruly:
– Búginde «Atamura» baspasy kitap shyǵarýda birneshe baǵytta jumys istep jatyr, dálirek aıtqanda, 9 baǵytta. Mine, men osylarǵa jeke-jeke toqtalyp óteıin dep turmyn!
Eń alǵashqy árip «Álippeden» bastalady, odan keıin «Ana tilimen» jalǵasady. Sondyqtan biz «Álippeni» aıaqtap, «Ana tilin» oqyp júrgen birinshi synyptyń balasyna qandaı kitap oqytý kerektigin kóp oılana kelip, býynǵa bólip oqýǵa yńǵaıly kitaptyń ataýyn da «Álippege» jaqyndatyp «Álippe áńgimeleri» degen atpen búldirshinderimizdiń alǵashqy kitaby retinde usyndyq. Odan keıin tómendegi serııalar jalǵasady.
- Álippe; «Álippe áńgimeleri», «Búrkittiń balapany», «Bal bulaq» jas búldirshinderge arnalǵan kitapshalar, «Atamuranyń» alǵashqy serııasy «Meniń alǵashqy kitapsham» dep atalady.
- «Atamura» mektep kitaphanasy» serııasymen shyqqan kórkem shyǵarmalar, «Balalar poezııasynyń antologııasy» jáne «Balalar prozasynyń antologııasy» jınaqtary.
- «Atamura» kitaphanasy» kórkem ádebıetter serııasy.
- Qazaqtyń uly danyshpany Abaı Qunanbaıulyna arnalǵan basylymdar.
- «Atamura» baspasynyń ǵylymı basylymdary (5 tomdyq «Qazaqstan tarıhy» (oryssha, qazaqsha), «Abylaı han», «Attıla», «Qobyz saryny»).
- Shetel baspalarymen birlesip shyǵarǵan basylymdar, TMD jazýshylarynyń aýdarma kitaptary.
- Mektep oqýshylaryna arnalǵan enıklopedııalar.
- Aǵylshyn tilin úıretetin balalarǵa arnalǵan basylymdar.
- Qazaqtyń salt-dástúrimen ulttyq qundylyqtaryna arnalǵan basylymdar.
30 jyldan astam «Atamurada» redaktorlyq jumystyń qyzyǵy men shyjyǵyn basynan ótkergen Raıhan Raıbaeva redaktor bolǵysy keletin stýdenttermen óz tájirıbesin bólisti. Onymen qosa, áleýmettik jelidegi ońdy-soldy oqýlyqqa qatysty aıtylyp jatqan pikirlerge toqtalyp:
– «3-synypqa arnalǵan «Ádebıettik oqý» oqýlyǵyn mysalǵa alaıyn. Keıbir adamdar bul oqýlyqta berilgen oqýshylardyń logıkasyn jetildirýge arnalǵan belgili aqyn Ertaı Ashyqbaevtyń «Ǵalamtor týraly» óleńin túsinbeı, qate dep, orynsyz sózdermen balaǵattap, áleýmettik jelidegi óz paraqshalarynda bólisti. Sońǵy ýaqytta otandyq oqýlyqtarǵa qatysty ártúrli oryndy-orynsyz oı-pikirler áleýmettik jelide jıi jarııalanatyn boldy. Iá, tek áleýmettik jelilerde. Dástúrli baspasóz bul taqyrypqa kóp bara bermeıdi. Sondyqtan jurtshylyq áleýmettik jelidegi jel sózge senip, kez kelgen aqparattyń anyq-qanyǵyna kóz jetkizbesten, durys bolsa da, burys bolsa da, shyndyq dep qabyldap qalyp jatady. Alaıda mundaı syn-eskertpelerdiń 70 paıyzy shyndyqqa janaspaıdy. Menińshe, syn aıtý úshin syn da shyndyqqa janasýy kerek», – dep oıyn ádemi qorytyndylady.
Satırık, jýrnalıst Ermahan Shaıhyuly osy pikirge qatysty oıyn aıtyp, bul óleń joldaryn «Turmystyq parodııaǵa» jatqyzýǵa bolatynyna toqtaldy.
Nazıra Bekhojaeva:
– Elektrondy oqýlyq balalardyń aýyr sómkesin jeńildetý maqsatynda qurastyrylǵanyn ári osyndaı oqýlyqtyń 171 túrimen tanystyrýdy jón kórip otyrmyn. «Álippe» oqýlyǵynda ulttyq kıim kıgen eki bala áripterdi egjeı-tegjeıli túsindiredi. Balalar úshin, ustazdar úshin de taptyrmas qural ekendigi aıtpasa da túsinikti», – dep konferenııa barysynda utqyr oıymen kópshiliktiń nazaryn ózine aýdardy.
Jıyn sońynda «Atamura» korporaııasynyń prezıdenti Raqymǵalı Qul-Muhammed 100 kórkem-ádebı kitapty jýrnalıstıka fakýltetine syıǵa tartty. Jýrnalıstıka fakýltetiniń dekany Qanat Áýesbaı rızashylyǵyn bildire otyryp, kitaptar ár dúısenbi saıyn «Úzdik stýdent», «Úzdik oqytýshy» nomınaııasy boıynsha syıǵa berilip otyratynynan habardar etti.
Ulbosyn Namazbaı
