Qazaqstan Prezıdenti Qasym-Jomart Toqaev franýz Le Figaro gazetine maqala jazyp, Qazaqstan men Franııa arasyndaǵy yntymaqtastyqtyń negizgi baǵyttaryn atap ótti, dep habarlaıdy “Adyrna” ulttyq portaly.
Qazaqstannyń halyqaralyq dıplomatııadaǵy rólin keltirgen Toqaevtyń maqalasy "Qazaqstan – Franııa úshin strategııalyq jáne senimdi seriktes" dep atalady.
Aqparatqa sáıkes, bul prezıdenttiń Parıjge tuńǵysh ret memlekettik sapary bolǵandyqtan, osyndaı maqala jarııalaǵan.
Maqalada Toqaev klımattyń ózgerýi jáne kóshi-qon sııaqty zamanaýı jahandyq syn-qaterlerdiń qaýpin atap ótti. Prezıdent álemdik arenada "orta derjavalardyń" rólin kúsheıtýge nazar aýdardy. Onyń aıtýynsha, Qazaqstan teńgerimdi syrtqy saıasatty ustanady jáne bitimgershilik úderisterin qoldaıdy.
Sondaı-aq, Toqaev Qazaqstan men Franııanyń sırek jer metaldaryn óndirý, "jasyl" energetıka jáne atom ónerkásibi salasyndaǵy yntymaqtastyqqa múddeli ekenin atap ótti. Ol Qazaqstanda atom elektr stanııasyn salý boıynsha referendým Eýropanyń energetıkalyq qaýipsizdigin nyǵaıtýǵa múmkindikter ashatynyn basa aıtty. Taraptar bul salalardy damytý úshin byltyr Franııa prezıdenti Emmanýel Makronnyń Qazaqstanǵa kelgenin de atap ótti.
Eske salaıyq, byltyr Emmanýel Makron Qazaqstanǵa memlekettik saparmen kelgen bolatyn. Oǵan Memleket basshysy eki qazaqy tazynyń kúshigin syılady. Makron tazy kúshikterine Jıýl jáne Janna degen esim bergen edi.
Aıta ketsek, buǵan deıin Memleket basshysynyń Franııaǵa memlekettik saparmen barǵany týraly habarladyq.
