Qazaq ulttyq qyzdar pedagogıkalyq ýnıversıtetiniń kitaphanasyna bıyl kúrdeli jóndeý jasalyp, ulaǵatty ustaz Seraly Qanıevtyń aty berildi. Jańarǵan kitaphananyń resmı ashylýynda QR Ǵylym jáne joǵary bilim mınıstri Saıasat Nurbek sóz sóıledi.
«Shyn máninde búgin – aıtýly kún. Kez kelgen bilim oshaǵynyń júregi – ol kitaphana. Eń joǵary standartta jasalǵan, eń myqty elektrondyq, ıfrlyq platformalary bar bul Ǵylymı kitaphana stýdentter men oqytýshylar, jalpy kitapsúıer qaýym úshin bilimderin arttyrýǵa baǵyttalǵan myqty ortalyq bolaryna senimim mol», – dedi Qazaqstan Respýblıkasynyń Ǵylym jáne joǵary bilim mınıstri Saıasat Nurbek.
Seraly Qanıuly – Qazaq ulttyq qyzdar pedagogıkalyq ýnıversıtetiniń damýyna úlken úles qosqan ardaqty ustaz, belgili ǵalym, fızıka-matematıka ǵylymdarynyń kandıdaty, doent, Qazaq SSR aǵartý isiniń úzdigi, KSRO Joǵary mektebiniń úzdigi, eńbek ardageri. 40 jylǵa jýyq Qazaq qyzdar pedagogıkalyq ınstıtýtynda qyzmet etip, myńdaǵan shákirt tárbıeledi.
Kitaphananyń saltanatty ashylý rásimine Almaty qalasynyń ákimi Erbolat Dosaev, Qazaq ulttyq qyzdar pedagogıkalyq ýnıversıtetiniń Basqarma Tóraǵasy – Rektory Gúlmıra Qanaı jáne Seraly Qanıulynyń jaqyn týystary da qatysty.
Almaty qalasynyń ákimi Erbolat Dosaev bul kitaphana bilim men mádenıettiń naǵyz ortalyǵy ekenin atap ótti. Ulaǵatty ustazdyń kelini Janat Derbısalına ýnıversıtet ujymyna alǵysyn bildirdi: «Ákemizge osyndaı qurmet kórsetilip jatqanyna óte qýanyshtymyz. Ol kisiniń esimi ýnıversıtet qabyrǵasynda, júregimizde máńgilikke saqtalady».
Is-shara aıasynda QR Ǵylym jáne joǵary bilim mınıstri Saıasat Nurbek Seraly Qanıevtyń uly Berik Qanıevke kitaphananyń ashylýyna zor úles qosqany úshin Alǵys hat tabystady. Sonymen qatar Qazaq ulttyq qyzdar pedagogıkalyq ýnıversıtetiniń Basqarma Tóraǵasy-Rektory Gúlmıra Qanaı da alǵysyn aıtyp, ýnıversıtet kitaphanasyna Seraly Qanıevtyń aty berilgeni óte mańyzdy oqıǵa ekenin atap ótti.
Jańartylǵan kitaphana stýdentter, oqytýshylar jáne zertteýshiler úshin zamanaýı bilim beretin mádenı ortalyqqa aınalady. Munda olar ǵylymı qorlarmen jumys istep, oqý jáne zertteý jumystaryn júrgizý úshin eń sońǵy tehnologııalardy paıdalana alady. Jańa kitaphana keńistigi yńǵaılylyq pen jaılylyqty eskere otyryp jobalanǵan. Onda toptyq jáne jeke jumystarǵa arnalǵan alańdar bar. Sondaı-aq ozyq jabdyqtar men elektrondyq resýrstarǵa qoljetimdilik qamtamasyz etilgen.
Is-sharada qonaqtar jańartylǵan kitaphana ǵımaraty boıynsha ekskýrsııa jasap, bilim berý sapasyn arttyrýǵa baǵyttalǵan jańalyqtarmen tanysty.
