Mınıstrlik kompanııa belgilengen merzimge deıin stanııa salmasa, Starlink Qazaqstanda jumys istemeıtinin aıtty, dep habarlaıdy “Adyrna” ulttyq portaly.
Bul týraly ıfrlyq damý mınıstri Jaslan Mádıev senattyń kýlýarynda habarlady.
«2026 jyly pılottyq joba aıaqtalady. Eger sol ýaqytqa deıin Starlink jerústi stanııasyn salmasa, onda ol munda resmı túrde jumys istemeıtin bolady», – dedi mınıstr.
Ol qazirgi ýaqytta 1800-den astam mekteptiń Starlink-ke qoljetimdiligi bar ekenin atap ótti. Pılottyq joba 2026 jyldyń 1 qarashasyna deıin jalǵasady.
Mınıstr qazirgi ýaqytta UQK-da ulttyq qaýipsizdik máseleleri talqylanyp jatqanyn, olardyń nátıjeleri boıynsha Starlink-tiń Qazaqstanda pılottyq rejımnen tys jumys isteı alatyn-almaıtyny anyqtalatynyn aıtty. Komıtet kompanııadan jerústi stanııasy men baılanys stanııasyn salýdy talap etýde. Bul kelissózder aıaqtalǵanǵa deıin elde halyqqa Starlink termınaldaryn kommerııalyq negizde satýǵa tyıym salynǵan.
«SpaceX – óte úlken, amerıkalyq kompanııa. Ol ártúrli elderde jumys isteıdi, sondyqtan ony kóndirý ońaı sharýa emes. Sondyqtan kelissózder sozylyp ketti dep aıtýǵa bolmaıdy», – dedi Mádıev.
