Keshe Májilistiń jalpy otyrysynan keıin depýtat jýrnalısterge munaı baǵasynyń shekaraǵa deıin bir baǵa jáne odan keıin basqa baǵamen satylatyn aıtty.
Jıynnan keıin jýrnalıster Májilis depýtaty Ermurat Bapıden “Oljas Bektenov basqaratyn mınıstrler kabınetiniń jumysyna kóńilińiz tola ma?” dep surady.
Ermurat Bapıdyń aıtýynsha, Úkimettiń jumysyn eki jaǵdaıda baǵalaý kerek. “Birinshisi, sý tasqynynan keıingi shyǵyndardy esepteýge kelgen jaǵdaıda, onsyzda defııt qarjylyq tapshylyǵyna orasan zor shyǵyndar júkteldi. Osy turǵydan kelgende Úkimettiń jumysy qolda bar múmkindiktiń sheńberinde júrip jatyr dep baǵalaý kerek.
Al, biraq degenmen áli de Úkimet qolǵa da ala almaı otyrǵan baǵytttar bar. Máselen, Qazaqstanda óndirilgen munaı-gazdyń shekaraǵa deıin bir baǵamen, shekaradan keıin ekinshi baǵamen satylatyn jaǵdaıy bar.
- Shekaradan ary qaraı munaıymyz áldeqaıda qymbat baǵada satylyp jatyr. Máselen bizde shekaraǵa deıin munaı bir baǵaǵa satylatyn bolsa, odan ári qaraı arada turǵan kompanııalar, treıderler ekinshi baǵamen satyp alady. Sonda, biz ózimizdiń elde óndiriletin ónimniń múmkindigin tolyq paıdalana almaı jatyrmyz. Osyǵan Úkimet tarapynan arnaýly bir usynystar bolyp, zańǵa ózgerister engizý kerek bolsa, biz ony qoldaıtyn edik. Biraq, bıýdjetke qosymsha túsimniń múmkindigi shıkizattyń shekaraǵa deıin bir baǵa, shekaradan keıin ekinshi baǵa bolyp, álemdik baǵaǵa deıin satylatyn jaǵdaıy bar. Biz nege álemdik baǵaǵa satylatyn ónimniń túsiminen tıisti qarajat almaımyz. Sol sııaqty ýystan shyǵaryp alyp otyrǵan múmkindikterimiz bar. Bul máseleniń sebebin biraz zerttep kórdim. Buǵan deıin jasalyp qoıǵan kelisimsharttar bar. Al ol kelisimsharttardyń birazy halyqaralyq deńgeıdegi kelisimsharttar bolǵannan keıin olar ulttyq zańdardan áldeqaıda joǵary dep esepteledi. Bizdiń elde ınvestıııalyq ahýaldy buzǵan áreketter bolady. Soǵan baılanysty osy zańdarǵa ózgeris engizý máselesi týyndap otyr, - deıdi ol.
