AQSh prezıdenttigine úmitker Donald Tramp Baıdenniń "qoqys" týraly sózinen keıin qoqys tasıtyn kólikke mingen. Tramptyń qoqys kóligine mingen sýretteri BAQ betinde jarııalandy, dep habarlaıdy "Adyrna" ulttyq portaly.
Saıasatker, prezıdenttikke úmitker Tramp Vıskonsındegi Grın-Beı halyqaralyq áýejaıynda artynda "Tramp" degen jazýy bar qoqys tasıtyn kólikke mingen.
"250 mıllıon adam qoqys emes", - dedi Tramp júk kóligine otyrar aldynda.
Daily Mail gazetinde jarııalanǵan aqparatta saıasatker qoqys tasıtyn kóliktiń terezesinen eńkeıip otyryp jýrnalıstermen sóıleskeni aıtylǵan.
"Meniń qoqys tasıtyn kóligim týraly ne aıtasyz? Bul kólik Kamala men Djonyń qurmetine arnalǵan", - dedi ol.
Aıta keteıik, AQSh prezıdenti Djo Baıden Zoom jelisindegi beınekonferenııa barysynda Donald Tramptyń sózine túsinik bere otyryp, respýblıkashyldyń jaqtastaryn "qoqys" dep atady. Tramptyń ózi de Pensılvanııa shtatynyń Allentaýn qalasynda ótken mıtıngte sóılegen sózinde bul málimdemege keri jaýap bergen edi.
"Ótinemin, ony keshirińizder. Óıtkeni ol ne aıtyp, ne qoıǵany bilmeıdi. Ol Kamaladan góri meni unatatynyna senimdimin", - dep ázildedi Tramp.
