Shyǵys Qazaqstan oblysy, Kúrshim aýdany, Alǵabas aýylyna apartyn joldy jaýynda jóndep jatyr, dep habarlaıdy «Adyrna» ulttyq portaly.
Bul týraly depýtat Dáýlet Muqaev ınstagram áleýmettik jelisinde bólisti.
«Biz nege damymaımyz? Sebebi kóp nárseni teris isteımiz. Úı salamyz, artynsha jol salamyz. Sosyn ony buzyp, jol astyna qubyr, kabel salamyz. Aqsha joq emes, bólinýi bólinedi-aý. Biraq sony durys basqara almaǵan soń, talań-tarajǵa túsip, sońynda qarapaıym halyq opyq jeıdi. Odan keıin qalǵan aqshamen boran bolsyn, jańbyr bolsyn, eshteńege qaramaı áıteýir, joldy tez-tez bitirý kerek bolady. Vıdeoda ShQO, Kúrshim aýdany, Alǵabas aýylyna barar jol. Mine, sonyń aıqyn mysaly osy. Bólingen aqsha joǵarydan aýylǵa jetkenshe, dókeılerdiń ýysyna túskenshe, 20 santımetrlik asfalt 15 bolady, 15 sm asfalt 7-8 sm bolady» - dep jazdy depýtat.
Vıdeony jibergen Alǵabas aýylynyń turǵyndary sapasyz jol salynyp jatqanyn aıtyp, Dáýlet Muqaevqa hat joldaǵan.
«Búgin 29 qazan, bul 7 km joldyń jóndeý jumysy. Merdiger jumysyn bastaǵannan beri aýyl halqy kúnde eskertýmen keledi JKH mekemesinde aýdandyq basynda turyp shaqyrdy kelmedi, tekserýshi organ kelmeıdi, eshkim baqylaýǵa almaıdy, aýyldyq ákim kelip eskertý jasaıdy biraq ony tyńdamaıdy. Kúrshim aýdany men Alǵabas aýylynyń arasy 10 km osydan 4-5 jyl birinshi salynǵan asfalt joldyń qalyńdyǵy ne bári 1.5 sm osyny teksergen oblystyq antıkor, laboratorııa kelip alǵan analızden de sapasyz nátıje shyqqan. Biraq merdigerge eshqandaı shara qoldanǵan joq» - deıdi aýyl turǵyndary.
