Qazaqstan Prezıdenti Qasym-Jomart Toqaev Mońǵolııaǵa memlekettik sapary aıasynda Ulan-Batyr qalasyndaǵy Shyńǵys han ulttyq mýzeıin arnaıy bardy. Bul týraly Aqorda jarııalady, dep habarlaıdy “Adyrna” ulttyq portaly.
2019 jyly ashylǵan mýzeı qorynda 10 myńnan astam biregeı jádiger bar. Ekspozıııanyń negizgi bóligi uly qolbasshy ári jıhanger Shyńǵys han tulǵasyna arnalǵan. Budan bólek kórmede Ǵun dáýirinen bastap XX ǵasyrǵa deıingi Mońǵol memleketiniń qalyptasý kezeńderin tolyq qamtıtyn artefaktiler qoıylǵan.
Mýzeıdiń taǵy bir mańyzdy mindeti – Eýrazııa halyqtarynyń kóshpeli órkenıeti men mádenı murasyn zertteý jáne ony jan-jaqty dáripteý.
Memleket basshysy mýzeıdi aralap kórip, Qurmetti qonaqtar kitabyna: «Shyńǵys han ulttyq mýzeıi – uly tulǵanyń jáne tutas memlekettiń shejiresi. Rýhanııat ordasy el ıgiligine qyzmet ete bersin. Mońǵolııa halqynyń mereıi ústem bolsyn!» dep jyly lebizin qaldyrdy.
