Eks-prezıdent Nursultan Nazarbaevpen uzaq ýaqyt qatar qyzmettes bolǵan burynǵy saıasatker Marat Tájın kútpegen jerden aqparat keńistigine qaıta shyqty, dep habarlaıdy “Adyrna” ulttyq portaly Ulysmedia.kz saıtyna siltep.
Burynǵy saıasatker qazir áleýmettaný mamandyǵyn oqyp jatyr eken. BAQ 23 qazanda Almatyda Qazaqstan jáne túrkitildes elder áleýmettanýshylarynyń VIII sezi ótkenin habarlady.
Bul shara Túrkitildes elder áleýmettanýshylar odaǵynyń prezıdenti Marat Tájınniń jetekshiligimen ótkeni naqtylandy. Aıtýlarynsha, bıylǵy sharaǵa qatysýshylar tulǵany anyqtaý máselelerin talqylady.
«Búginde sáıkestilik uǵymy áleýmettik jáne gýmanıtarlyq ǵylymdardaǵy tanymal kategorııalardyń birine aınaldy. Sáıkestikti soıologtar, psıhologtar, fılosoftar, mádenıettanýshylar, tarıhshylar, lıngvıster, ekonomıster jáne tipti marketologtar da zertteıdi. Bul uǵym bir mezgilde jeke, áleýmettik, mádenı jáne saıası qubylys bolyp tabylady», - delingen maqalada.
Sezge qatysýshylarǵa Qazaqstan Respýblıkasy Parlamenti Senatynyń Tóraǵasy Máýlen Áshimbaev pen Mádenıet jáne aqparat mınıstri Aıda Balaeva quttyqtaý joldady. HQA atynan kelgen professor Jan Marı Frı onyń prezıdenti, professor Djeffrı Pleıerstiń atynan Qazaqstan áleýmettanýshylar qaýymdastyǵyna alǵysyn bildirdi.
Aıta keteıik, Marat Tájın – qazaqstandyq memleket qaıratkeri, dıplomat jáne saıasattanýshy, Qazaqstannyń ishki jáne syrtqy saıasaty salasyndaǵy negizgi keńesshilerdiń biri retinde tanymal.
Tájın Nursultan Nazarbaevtyń tusynda Syrtqy ister mınıstri, Prezıdenttiń kómekshisi, Prezıdent Ákimshiligi Basshysynyń orynbasary jáne Qazaqstan Qaýipsizdik Keńesiniń hatshysy syndy ártúrli basshylyq qyzmetterdi atqarǵan.
2019 jyly Qazaqstan Respýblıkasynyń Cheh Respýblıkasyndaǵy Tótenshe jáne Ókiletti Elshisi bolyp taǵaıyndaldy. 2023 jyly ol bul qyzmetten bosatyldy.
