Izraıldiń Iranǵa qarsy soqqysy úsh tolqyndy shabýylmen aıaqtaldy, dep habarlaıdy “Adyrna” ulttyq portaly.
CNN málimetinshe, senbi kúni Izraıl shabýyl jasaǵan kezde Iranda tań jańa atyp kele jatqan. Degenmen, shabýyldyń naqty maqsaty men keltirilgen zalaldyń kólemi áli de belgisiz kúıde qalýda.
Keıin Izraıl áskerı kúshteri Irandaǵy áskerı nysandarǵa «naqty jáne maqsatty» áýe soqqylary jasalǵanyn málimdedi. Izraıl qorǵanys kúshteriniń málimdemesinde:
«Biz jaýap soqqy jasadyq, mıssııa sátti oryndaldy. Bizdiń ushaqtarymyz aman-esen oraldy», – delingen.
Bul soqqylar Izraıl qarýly kúshteriniń málimdeýinshe, Iran rejıminiń Izraılge birneshe aı boıy jasaǵan úzdiksiz shabýyldaryna jaýap retinde iske asyryldy. Bul tusta, ásirese, qazan aıynyń basynda Irannyń Izraıldi 180 zymyranmen tómpeshteýi nazarǵa alynǵan.
«Iran rejıminiń Izraıl memleketine úzdiksiz jasalǵan shabýyldaryna jaýap retinde Izraıl qorǵanys kúshteri Irandaǵy áskerı nysandarǵa naqty soqqylar jasady», – delingen resmı habarlamada.
Atalǵan operaııa Iran men Izraıl arasyndaǵy uzaq ýaqyttan beri jalǵasyp kele jatqan shıelenisti odan ári órshitip, Taıaý Shyǵys aımaǵyndaǵy turaqtylyqqa úlken qaýip tóndirýde.
Eki taraptyń da áskerı qaqtyǵystarǵa daıyn ekendigin baıqatqan bul jaǵdaı aımaqtaǵy geosaıası jaǵdaıdy kúrdelendire tústi.
«Islam Respýblıkasynyń sheneýnikteri qylmystyq jáne zańsyz Izraıldik rejımdi kez kelgen avantıýrıstik áreketten aýlaq bolýǵa aldyn ala eskertken. Biraq búgin tańerteń bul jalǵan rejım Tegeran, Hýzestan jáne Ilam provınııalaryndaǵy áskerı ortalyqtarǵa shabýyl jasady», – delingen Iran memleketiniń málimdemesinde.
IRNA dereginde bul shabýyl eldiń áýe qorǵanys júıesi arqyly sátti tosylyp, toıtarylǵany aıtylǵan.
«Keıbir aımaqtarda azdaǵan zalal keltirilgen. Oqıǵanyń aýqymy áli de tekserilýde», – delingen qujatta.
