Reseı basshysy Vladımır Pýtın BRIKS sammıtinde Túrkııa prezıdenti Rejep Taıyp Erdoǵannyń esimin shatastyrdy. Tıisti vıdeony Agentstvo aqparat kózi jarııalady, dep habarlaıdy “Adyrna” ulttyq portaly.
Pýtınge Túrkııa prezıdentin tanystyrý úshin onyń tolyq aty-jónin aıtý qajet bolǵan. Ol tek úshinshi aıtqanda ǵana Túrkııa basshysynyń aty-jónin tolyq aıta alǵan.
Aıta keteıik, qazan aıynyń basynda 72 jasqa tolǵan Pýtınniń ataýlardy, ásirese, óziniń ózge elderdegi áriptesteriniń esimin durys ataı almaıtyn kezderi jıi kezdesedi. Onyń jańylys sóılegeni jaıynda Kreml eshqashan túsinik bergen emes. Ol kóbine ózi jıi saparlaıtyn jáne jıi bas qosatyn Ortalyq Azııa prezıdentteriniń resmı aty-jóninen shatasyp júredi.
Ásirese, Qazaqstan Prezıdenti Qasym-Jomart Toqaevtyń atyn birneshe ret burmalap aıtqan.
Keıbir sarapshylardyń pikirinshe, bul kezdeısoq emes jáne Reseıdiń basqa memlekettermen qarym-qatynasyna da áser etýi múmkin.
