Búgin, 14 maýsym Astanada Májilis tóraǵasy Erlan Qoshanovtyń qatysýymen Qazaqstan Respýblıkasy Parlamenti Májilisi men Reseı Federaııasy Federaldyq Jınalysy Memlekettik Dýmasy arasyndaǵy yntymaqtastyq jónindegi Palataaralyq parlamenttik komıssııasynyń otyrysy ótti, dep habarlaıdy “Adyrna” ulttyq portaly.
Otyrys aldynda Májilis tóraǵasy Memlekettik Dýma tóraǵasynyń birinshi orynbasary, Reseı tarapynan komıssııanyń teń tóraǵasy Aleksandr Jýkovty qabyldady. Kezdesýde taraptar aldaǵy kún tártibindegi negizgi aspektilerdi jáne eki el parlamentteri arasyndaǵy yntymaqtastyq aıasyn keńeıtý jaıyn talqylady.
Parlamentaralyq komıssııa jumysyn qaıtadan bastaý týraly sheshim Májilis tóraǵasy Erlan Qoshanovtyń Reseı Federaııasyna resmı sapary barysynda qabyldandy. Astanada ótken otyrysty ashyp bergen Palata spıkeri Reseı Qazaqstannyń senimdi odaqtasy jáne strategııalyq seriktesi ekenin atap ótti.
«Jyl ótken saıyn bizdiń qarym-qatynasymyz tek nyǵaıa túsýde. Buǵan kóshbasshylarymyz Qasym-Jomart Kemeluly Toqaev pen Vladımır Vladımırovıch Pýtınniń arqasynda qol jetkizdik. Memleketter basshylary áriptestikti damýdyń jańa deńgeıine kóterdi. Qazaqstanda halyqtarymyzdyń sanǵasyrlyq dostyǵy erekshe baǵalanady», – dedi Erlan Qoshanov.
Májilis spıkeri Qazaqstan men Reseı arasyndaǵy tatý kórshilik jyldarynda dostyq pen senimdi nyǵaıtýǵa baǵyttalǵan berik sharttyq baza qalyptasqanyn atap ótti. Sondaı-aq elderimizdi álemdegi eń uzyn shekara baılanystyratynyn aıtyp, byltyr ózara saýda kólemi aıtarlyqtaı óskenine, taýar aınalymynyń shamamen 70 paıyzy óńiraralyq jáne shekara mańy saýdasyna tıesili ekenine nazar aýdardy. Oǵan eki elden myńdaǵan kompanııa men mıllıondaǵan adam tartylǵan.
«Ekijaqty qatynasty damytýda parlamentaralyq yntymaqtastyq mańyzdy ról atqarady. Biz túrli alańdarda jıi kezdesemiz, pikir almasamyz. Bizdiń ár basqosýymyz jańa ıdeıalar men bastamalarǵa toly. Kóptegen ózekti másele boıynsha árdaıym ortaq sheshimge keletinimiz qýantady. Búgin uzaq ýaqyttan keıin komıssııamyzdyń jumysyn qaıta jandandyrǵanymyz da – birlesip jumys isteýge yntalylyǵymyzdyń aıǵaǵy», – dedi Erlan Qoshanov.
Memlekettik Dýma tóraǵasynyń birinshi orynbasary Aleksandr Jýkov ta óz sózinde parlamentaralyq yntymaqtastyqtyń áleýeti zor ekenin aıtty.
«Elderimizdiń kóshbasshylary parlamentter aldyna saýda-ekonomıka, ınvestıııa salasyndaǵy, ǵylymı-tehnıkalyq, mádenı-gýmanıtarlyq salalardaǵy yntymaqtastyqty damytý mindetin qoıdy. Biz prezıdentterimizdiń ýaǵdalastyqtarynyń iske asyrylýyn zańnamalyq turǵydan qamtamasyz etýimiz qajet. Parlamenttik ólshemdegi ózara is-árekettiń tıimdiligin arttyrý, azamattarymyzdy tolǵandyratyn máselelerdi sheshý de óte mańyzdy», – dedi Memlekettik Dýma tóraǵasynyń orynbasary.
Sonymen qatar Pavel Kazanev pen Vıktor Selıverstovtyń basshylyǵymen eki el arasyndaǵy parlamenttik dostyq toptary jumysynyń belsendiligi men tıimdiligi atalyp ótti. Májilis spıkeri olardyń úılesimdi jumysynyń nátıjesi retinde Reseı men Qazaqstan shekarasyndaǵy qazaqstandyq júk tasymaldaýshylardyń máselesi sheshilgenin aıtty. Ekijaqty yqpaldastyqtyń barlyq ózekti máselesi Palataaralyq parlamenttik komıssııasy otyrysynyń kún tártibine endi.
«Búgingi komıssııa otyrysynyń maqsaty – parlamentaralyq baılanysty arttyrý men nyǵaıtý. Qazaqstannyń depýtattyq korpýsymen jaqsy tanyspyz, únemi kezdesip, barlyq másele boıynsha beınekonferenııalar ótkizip otyramyz. Búgingi kún tártibi de óte mańyzdy. Osy jıynda aıtylǵandardyń bári jaqyn arada naqty júzege asatynyna senimdimin», – dedi Memlekettik Dýmanyń Bıýdjet jáne salyq komıtetiniń múshesi Vıktor Selıverstov.
Otyrys barysynda depýtattar ıfrlyq quqyq jáne halyqtyń ıfrlyq saýattylyǵyn arttyrý, klımattyq zańnama, volonterlik qyzmetti retteý salalaryndaǵy zań shyǵarý isi boıynsha tájirıbe almasty. Sondaı-aq energetıka, kólik-logıstıka salasyndaǵy yntymaqtastyq máseleleri, onyń ishinde Qazaqstan tasymaldaýshylarynyń Reseı-Belarýs shekarasyndaǵy ótkelderden ótýindegi kedergilerdi alyp tastaý, Qazaqstan men Reseı qalalary arasyndaǵy óńiraralyq qatynastardy damytý jaıy da kóterildi.
Sondaı-aq kún tártibine qorshaǵan ortany, transshekaralyq ózenderdi tıimdi paıdalaný salasyndaǵy yntymaqtastyq, ekijaqty taýar aınalymy kólemin ulǵaıtý men ózara saýdadaǵy kedergilerdi joıý jáne basqa da máseleler kirdi.
Otyrys Májilistiń vıe-spıkeri Albert Raý men Memlekettik Dýma tóraǵasynyń orynbasary Aleksandr Jýkovtyń tóraǵalyǵymen ótti. Komıssııa jumysyna Qazaqstan tarapynan vıe-mınıstrler men jaýapty memlekettik qurylymdar basshylary qatysty. Talqylaý qorytyndysy boıynsha qatysýshylar kún tártibindegi ár tarmaq boıynsha memlekettik organdarǵa usynymdar ázirlep, sheshimder shyǵardy.
