Tatarstanda uly qazaq aqyny jáne oıshyly Abaı Qunanbaıulynyń bıýsti ashyldy, dep habarlaıdy "Adyrna" ulttyq portaly.
Bul týraly Qazaqstannyń Mádenıet jáne aqparat mınıstrligi habarlady.
«Tatarstan astanasynda uly qazaq aqyny jáne fılosofy Abaı Qunanbaıulynyń bıýstin saltanatty túrde ashý rásimi ótti», – delingen habarlamada.
Shara Qazaqstan Prezıdentiniń 2024 jylǵy 22-24 qazan aralyǵynda BRIKS memleketteri basshylarynyń XVI sammıtine qatysý úshin Qazan qalasyna jasaǵan jumys sapary aıasynda uıymdastyrylǵan.
Saltanatty sharaǵa Qazaqstan Respýblıkasynyń Mádenıet jáne aqparat mınıstri Aıda Balaeva, Tatarstan Respýblıkasynyń Mádenıet mınıstri Irada Aıýpova, Qazan qalasyndaǵy Qazaqstan Respýblıkasynyń Bas konsýly Erlan Ysqaqov, Tatarstan Jazýshylar odaǵynyń tóraǵasy Rkaıl Záıdýllın, sondaı-aq qala jurtshylyǵy men qazaqtardyń ulttyq-mádenı avtonomııasynyń ókilderi qatysty.
Uly oıshyldyń eskertkishi Qazan qalasynda Nazarbaev jáne Kachalov kósheleriniń qıylysynda ornatyldy. Bıýsttiń avtory – Qazaqstan sýretshiler odaǵynyń múshesi, músinshi Nurbol Qalıev.
Aıta keteıik, qazaq basshysy Abaı – álemdik aýqymdaǵy alyp tulǵa. Onyń shyǵarmalary búkil adamzattyń asyl murasyna aınaldy. Álemniń túkpir-túkpirinde Abaı Qunanbaevtyń eskertkishteri bar.
