"Qazaqstannyŋ EAEO-dan körgen paidasy az boldy". Özbekstan baqylauşy bolyp qalatynyn mälımdedı

2030
Adyrna.kz Telegram
https://adyrna.kz/content/uploads/2024/01/img_8886-960x500.jpeg?token=5c416985c18857e571f6360faab4fc35
Özbekstan bilıgı eldıŋ eşqandai äskeri qūrylymdarǧa qosylmaitynyn jäne EAEO-da baqylauşy memleket märtebesınde qalatynyn mälımdedı, dep habarlaidy "Adyrna" ūlttyq portaly. Ferǧana agenttıgınıŋ mälımetınşe, Taşkentte ötken Halyqaralyq serıktestık bastamalary aptalyǧynyŋ aşyluynda Özbekstannyŋ Olii Majlis Zaŋ şyǧaru palatasynyŋ bırınşı orynbasary Akmal Saidov mälımdedı. «Konstitusiianyŋ bırınşı babynda Özbekstan – egemen memleket ekenı aitylǧan. Eger qandai da bır äskeri qorǧanys qūrylymdaryna jäne ūiymdarǧa qosylu turaly söz bolsa, bız būǧan jol bermeimız. Bız eşqaşan öz jıgıtterımızdı şetelge qandai da bır äskeri missiialardy, onyŋ ışınde bıtımgerşılık missiialaryn oryndau üşın jıbermeimız. Bızdıŋ jerımızde eşqandai şeteldık äskeri bazalar bolmaidy», – dedı vise-spiker. Odan bölek, Saidov Özbekstanǧa EAEO-da baqylauşy memleket märtebesı tiımdı ekenın atap öttı. «Men Özbekstannyŋ EAEO-ǧa kıru mümkındıgın zertteu boiynşa parlamenttık komissiianyŋ jetekşısımın. Bız osy ūiymnyŋ myŋnan astam ärtürlı qūjatyn mūqiiat zerttedık jäne qazırgı uaqytta Özbekstannyŋ müddesıne baqylauşy märtebesın saqtau säikes keledı degen qorytyndyǧa keldık. Mysaly, qazaq ärıptesterımızden EAEO-ǧa kıruden olardyŋ elderı az ǧana paida körgenın estıdık. Bıraq būl aqparatqa kepıldık bere almaimyn. Özbekstannyŋ jaŋa Konstitusiiada bekıtılgen syrtqy saiasattyŋ negızgı qaǧidalary bar, bız solarǧa süienemız», – dep tüsındırdı Saidov.
Pıkırler