Majarstan Memlekettik Jınalysynyń tóraǵasy Laslo Kıoverdiń shaqyrýymen Qazaqstan Parlamenti Májilisiniń spıkeri Erlan Qoshanov bastaǵan bir top depýtat resmı saparmen Majarstanǵa bardy. Býdapesht qalasynda depýtattar Majarstan Prezıdenti Tamash Shýıokpen jáne Majarstan Memlekettik jınalysynyń tóraǵasy Laslo Kıovermen kezdesti. Sondaı-aq, Qarsaq qalasynyń turǵyndarmen kezdesý ótkizdi.
Majarstan Prezıdenti Tamash Shýıokpen júzdesýde eki el arasyndaǵy dostyq pen yntymaqtastyq máselesi keńinen talqylandy. Májilis tóraǵasy Ortalyq Eýropadaǵy baýyrlas halyq – majar eline erekshe yqylaspen kelip otyrǵanyn aıtyp, Qazaqstan Prezıdenti Qasym-Jomart Toqaevtyń joldaǵan sálemin jetkizdi.
– Majarstanmen yntymaqtastyqty damytý – Qazaqstannyń syrtqy saıasatyndaǵy basym baǵyttyń biri. Qazaqstan men Majarstan arasynda dıplomatııalyq qarym-qatynas ornaǵannan beri yntymaqtastyǵymyz – strategııalyq seriktestik deńgeıine jetti. Bıyl sol strategııalyq áriptestigimizge 10 jyl tolyp otyr. Árıne, bul – kóshbasshylarymyzdyń eren eńbeginiń jemisi, – dedi Májilis spıkeri.
Kezdesý barysynda saýda-ekonomıkalyq, mádenı-gýmanıtarlyq yntymaqtastyq máselelerine erekshe nazar aýdaryldy.
Májilis tóraǵasy Memleket basshysy Qasym-Jomart Toqaevtyń bastamasymen sońǵy jyldary Qazaqstanda júrgizilip jatqan aýqymdy reformalar týraly aıtyp berdi. Sonyń ishinde 6 qazanda ótken jalpyulttyq referendýmǵa toqtaldy.
– Elimizde jańa saıası mádenıet qalyptasýda. Onyń ózegi – barlyq mańyzdy sheshimder qoǵammen birge talqylanady. Qasym-Jomart Toqaev prezıdenttik qyzmetiniń alǵashqy kúnderinen-aq osy isti qolǵa aldy. Kúni keshe elimizde atom elektr stansasyn salý máselesi boıynsha jalpyulttyq referendým ótti. El bolashaǵyna tikeleı qatysty bolǵan soń, bul másele jóninde sheshim qabyldaýdy Memleket basshysy halyqtyń óz erkine berdi. 6 qazanda Qazaqstan halqynyń basym kópshiligi Prezıdenttiń bul bastamasyn qoldady. Biz atom ónerkásibi salasynda Majarstannyń tájirıbesi mol ekenin bilemiz. Osy salada birlesip kadr daıarlaý qolǵa alynyp jatyr. Bul jumysty kúsheıtýge daıynbyz, – dedi Májilis spıkeri.
Sonan soń Erlan Qoshanov Majarstan Memlekettik jınalysynyń tóraǵasy Laslo Kıovermen kezdesip, parlamentaralyq qarym-qatynastyń qazirgi jaı-kúıi men keleshegin jan-jaqty talqylady.
– Biz úshin Majarstan – senimdi dos, baýyrlas memleket jáne strategııalyq seriktes. Sondyqtan parlamentaralyq yntymaqtastyqty odan ári nyǵaıtýǵa múddelimiz. Sizderde de dál osyndaı yqylas bar ekenin bilemiz. Zań shyǵarýshy organdarymyzda parlamentaralyq dostyq toptary qarqyndy jumys istep keledi. Biz halyqaralyq uıymdar aıasyndaǵy kópjaqty formatta da tyǵyz baılanystamyz. Osy yqpaldastyqty odan ári arttyrýǵa shaqyramyn, – dedi Májilis tóraǵasy.
Sondaı-aq delegaııa basshysy majar áriptesterine Májilistiń qazirgi zań shyǵarý qyzmeti jaıly da aqparat berdi.
Kezdesý sońynda eki el Parlament basshylary Qazaqstan Respýblıkasy Parlamenti Májilisi men Majarstannyń Memlekettik Jınalysy arasyndaǵy yntymaqtastyq týraly kelisimge qol qoıdy. Bul qadam parlamentaralyq baılanysty nyǵaıtýǵa zor septigin tıgizetini anyq.
Sonymen birge Erlan Qoshanov áriptesi Laslo Kıoverdi Qazaqstanǵa resmı saparmen kelýge shaqyrdy.
Delegaııa músheleri Býdapesht qalasyndaǵy Astana kóshesinde ornalasqan Abaı Qunanbaıulynyń eskertkishine gúl shoqtaryn qoıyp, Majarstanda oqıtyn Qazaqstan stýdentterimen kezdesti.
Májilis depýtattarynyń resmı sapary kelesi kúni Qarsaq qalasynda jalǵasty. Erlan Qoshanov ondaǵy jergilikti turǵyndarmen – baýyrlas qypshaqtarmen kezdesý ótkizdi.
– Biz árqashan ózderińizge jany bir, qany bir baýyrlarymyz retinde qaraımyz. Qazaq ta, majar da – Eýrazııanyń Uly dalasynda meken etip, saltanat qurǵan ejelgi ǵundar men túrkilerdiń, qypshaqtardyń murageri. Bizdi genetıkalyq tamyrymyz ǵana emes, eki elge ortaq dańqty tarıhymyz, buzylmas dástúrimiz jalǵap jatyr. HHI ǵasyrda baýyrlas halyqtar arasyndaǵy baılanys, sonyń ishinde qazaq-majar yntymaqtastyǵy barynsha artyp keledi. Osy úrdis bizdi qýantady. El men eldi qosatyn, dáneker bolatyn eń aldymen – sizder men bizder. Sondyqtan bul mıssııany abyroımen atqaramyz dep senemin, – dedi Májilis spıkeri.
Sapar aıasynda delegaııa músheleri Qarsaq qalasynda eki eldiń ajyramas týystyǵy men myzǵymas dostyǵynyń belgisi retinde «Dombyra» músininiń ashylýyna qatysyp, mádenı oryndarǵa bardy.
