Reseı TMD elderin strategııalyq seriktes sanaıdy. Bul týraly búgin Reseı prezıdenti Vladımır Pýtın Máskeýde Dostastyq elderi basshylarynyń sammıtinde aıtty, dep habarlaıdy “Adyrna” ulttyq portaly.
Pýtın TMD elderin dos sanaıtynyn aıtty.
"Biz úshin TMD elderi – bizdiń eń jaqyn kórshimiz, dosymyz, strategııalyq seriktesimiz. Biz yntymaqtastyqty jan-jaqty nyǵaıtýǵa beıildimiz, Reseıdiń 2024 jylǵy tóraǵalyq tujyrymdamasy osyǵan baǵyttalǵan", - dedi ol.
Sonymen qatar, Reseı prezıdenti Dostastyqtaǵy áriptesterine birlesken jobalar men is-sharalarǵa belsendi qatysqany úshin alǵysyn bildirdi.
"Árıne, biz ekonomıkalyq máselelerge jáne TMD elderindegi saýda-ınvestıııalyq yntymaqtastyqty odan ári keńeıtý perspektıvalaryna úlken kóńil bólemiz", - dep tolyqtyrdy Pýtın.
Pýtın elderde "ónerkásip, aýyl sharýashylyǵy, qarjy jáne ınfraqurylym salalarynda jańa, iri, ózara tıimdi jobalardy iske qosýǵa barlyq múmkindik bar" dep senim bildirdi.
