Búgin Qaraǵandy oblysy, Qaraqaraly aýdany, Qoıandy aýyly mańynda qurǵaq 40 ga shóp órtendi, dep habarlaıdy «Adyrna» ulttyq portaly.
Sóndirý barysynda óńirdiń TJD eki qyzmetkeri, órtke qarsy erikti qurlymnyń bir qyzmetkeri jáne aýyl turǵyny zardap shekti. Olar aýrýhanaǵa jetkizildi.
Tústen keıin órt Pavlodar oblysynyń shekarasynan "Baıanaýyl memlekettik ulttyq tabıǵı parkiniń" ormansyz aýmaǵyna ótti. Órttiń saldarynan Jeltaý aýylynyń 18 turǵyny evakýaııalandy.
QR TJM Komandalyq ortalyǵynda shtab ashyldy. Munda TJ jónindegi vıe-mınıstr Eran Nurpeıisov jáne Qaraǵandy oblysynyń ákimi Ermaǵanbet Bólekpaev bar. Órt ornynda 183 adam, 56 birlik tehnıka jáne 4 tikushaq jumys isteýde.
"Órtti sóndirý qatty ekpindi jelmen, taýly jerlermen jáne órt oshaqtaryna kirme joldardyń bolmaýymen qıyndaıdy", – dep habarlady TJM.
