Memleket jáne qoǵam qaıratkeri, saıasatker Tólen Toqtasynov 61 jasynda ómirden ótti, dep habarlaıdy «Adyrna» ulttyq portaly.
Tólen Toqtasynov kózi tirisinde QR Parlamenti Májilisiniń depýtaty. Ekologııa jáne tabıǵatty paıdalaný komıtetiniń múshesi, «Ekologııa» depýtattyq tobynyń jetekshisi qyzmetterin atqardy. Sonymen qatar, «Qazaqstannyń demokratııalyq tańdaýy» qozǵalysynyń quryltaıshylarynyń biri boldy.
Qaraly habardy belgili kásipker Ahmetbek Nursıla jeli paraqshasynda jazdy.
«Keshe túnde jan dosym Tólen Muhamedıuly Toqtasyn, aýyr dertpen jarty jyl arpalysyp jeńe almaı, aqyry máńgilik mekenine attanyp ketti. Baqul bol Tóke, seni jaqsy tanıtyn jaqyndaryńnyń, halqyńnyń jadysynda aryn joǵary ustaǵan, jasampaz AZAMAT retinde esinde máńgilik qalasyń!
Súıegin týǵan qalasy Semeıge aparyp, anasynyń qasyna qoıamyz dep sheshtik...», - delingen jazbada.
Eske sala keteıik, Tólen Toqtasynov pen burynǵy dosy Ǵalymjan Jaqııanov arasynda múlik daýy týyndaǵan edi. Bul máseleniń qalaı bastalǵany týraly buryn da jazdyq.
