Aqtóbede podpolkovnık sarbazǵa jerge túsken kespeni jeýge májbúrlegeni aıtyldy, dep habarlaıdy “Adyrna” ulttyq portaly.
“Dıapazon” basylymynyń málimetinshe, sarbaz podpolkovnıktiń buıryǵyn oryndamaǵany úshin ony soqqyǵa jyqqan.
Aqtóbe garnızonynyń áskerı sotynda Qorǵanys mınıstrligi áskerı bóliminiń zenıttik zymyran dıvızıondary shtabynyń bastyǵy "51809" nómirimen otyrdy. Podpolkovnık laýazymdyq ókilettigin asyra paıdalandy jáne qatardaǵy jaýyngerdi urdy dep aıyptalǵan.
Is materıaldarynda birneshe sarbazǵa túski asqa keshigip kelgeni úshin eskertý jasalǵany aıtylýda. Bir sarbazdyń arqasyndaǵy sómkesinen birneshe jyldam daıyndalatyn kespe baryn kórip, "ashtan ólip barasyńdar ma?" dep olardy pakettegi kespeni jeýge májbúrlegen. Keıin jerge túsken kespeni jep qoıýdy da buıyrǵan.
Buıryǵy oryndalmaǵan podpolkovnık bir jaýyngerdi 8 ret qulaǵynan shapalaqpen salyp, betinen judyryqpen urǵany aıtylǵan.
Saraptama nátıjelerine sáıkes, jábirlenýshiniń qulaq membranasy men sol qulaqtyń qulaq qalqany jarylǵan.
Sotta aıyptalýshy qylmysyn tolyq moıyndaǵan. Keıinnen sarbaz pen podpolkovnık tatýlasyp, qylmystyq is qozǵalmaǵan.
