TikTok jelisinde aqıyq aqyn Maqataevty "sorly erkekke" teńegen bloger Álisher Temenov keshirim surap beıne jarııalady. Túsirilgen vıdeoda jigittiń aqynnyń eskertkishine baryp keshirim suraǵanyn kórýge bolady, dep habarlaıdy "Adyrna" tilshisi.
Rolıkteriniń birinde Muqaǵalı Maqataevty ómirine shaǵymdana beretin "sorly erkek" dep ataǵan.
"Búgin meniń týǵan kúnim oı páli-aı, myna adamdar nege jatyr toılamaı" deıdi. "Eı, sen birinshi jasasańshy týǵan kúnińdi. Sosyn baramyz ǵoı. "Banket jasap berer edim ózim-aq, táńirdiń bir jarytpaı-aq qoıǵany-aı" deıdi. Qudaıdyń ne qatysy bar? Seniń týǵan kúnińde ústelińniń jaıylyp turǵany qudaıǵa baılanysty ma? Óziń jasa! Erkeksiń ǵoı, ne úshin otyrsyń myna jerde? Otanyńdy qorǵaısyń – erkeksiń, áýletińdi qorǵaısyń – erkeksiń. Áıelińdi qorǵaısyń – erkeksiń. Úkimetten "úıdi qashan beredi" dep kútip otyrsań, onda sen erkek emessiń", – deıdi ol.
Keıinnen áleýmettik jelide azamattyń keshirim suraǵan beınesi jarııalandy.
Alaıda oqyrmandar blogerdiń bul sózine ashýlanyp, shaǵymdandy.
Odan bólek, jelide onyń Muqaǵalı Maqataevtyń eskertkishiniń aldyna baryp, basyn ıip keshirim suraǵan vıdeosy tarady.
"Qazaq eliniń aldynda jasap qoıǵan úlken bir erkeligimdi arýaq keshirsin degen nıetpen dál qazir Muqaǵalı atamyzdyń úıiniń aldynda turmyn. Barsha qazaq elinen jasaǵan úlken qateligim úshin keshirim suraımyn", – deıdi bloger Álisher Temenov.
