Joǵarǵy sot keńesiniń quramy qaıta qaralady. Bul týraly Astanada ótkizilip jatqan Qazaqstan sýdıalarynyń sezinde prezıdent Qasym-Jomart Toqaev aıtty, dep habarlaıdy “Adyrna” ulttyq portaly.
«Joǵarǵy sot keńesi táýelsiz ári kásibı sottar korpýsyn qurýda garant bolýy tıis. Sonda ǵana sot júıesi quqyqtyń ústemdigin, azamattar men bıznestiń quqyǵynyń shynaıy qorǵalýyn qamtamasyz ete alady. Osy maqsatta 2021 jyly Joǵary sot keńesinen Ádilet mınıstri, Memlekettik qyzmet isteri agenttiginiń basshysy shyǵaryldy. Ary qaraı osy jumysty jalǵastyryp, sýdıalardy irikteýdiń ashyqtyǵyn qamtamasyz etý úshin Joǵarǵy sot keńesiniń quramyn qaıta qaraý kerek.
Halyqaralyq tájirıbe osyndaı organdarda prokýratýra ókilderi bolýy kerektigin kórsetedi. Joǵarǵy sot keńesiniń úılesimdi quramyn qalyptastyrýdy durystap zerttegen abzal. Sonymen birge, sýdıalardy árdaıym óz quziretin arttyryp, óz jumysyna jaýapty túrde kelýine jigerlendirgen jón. Biz Joǵarǵy sottyń sýdıalardyń biliktilik sanatyn qaıtarý bastamasyn qoldaımyz. Sottyń kásibıligi barynsha shynaıy bolýy tıis. Bul qadam sýdıalar korpýsynyń kadrlyq quramynyń sapasyn arttyrar degen senimdemin», – deıdi prezıdent.
Aıta ketsek, Joǵarǵy sot keńesi – Qazaqstan prezıdentiniń sottardy qalyptastyrý jónindegi konstıtýııalyq ókilettikterin, sýdıalardyń táýelsizdigi men olarǵa eshkimniń tıispeý kepildikterin qamtamasyz etý maqsatynda qurylǵan. Jaqynda onyń basshysy bolyp Dmıtrıı Malahov taǵaıyndalǵan.
