Qaraǵandy oblysynda sońǵy úsh jylda ınvataksı kólikteriniń sany úsh esege artty. Búginde olardyń sany 118-ge jetti. Múgedektigi bar adamdar bul qyzmetti barlyq qalalar men aýdandarda paıdalanady.
«Invataksı qyzmetimen qamtý jyl saıyn ósýde. Eger 2021 jyly qyzmet oblystyń segiz aımaǵynda jumys istese jáne 35 mashına bolsa, úsh jyl ishinde taǵy bes aımaq qosylyp, 118 kólik boldy. Qazir qyzmet búkil oblys boıynsha qoljetimdi», – dep habarlady jumyspen qamtýdy úılestirý jáne áleýmettik baǵdarlamalar basqarmasynda.
Sonymen qatar, ınvataksıdi paıdalanýǵa quqyly adamdar tizimi de kóbeıdi. Bastapqyda bul qyzmet tirek-qımyl apparaty, kórý qabileti buzylǵan adamdarǵa ǵana arnalǵan edi. Ótken jyldan bastap olardyń qataryna psıhıkalyq aýytqýlary bar balalar qosyldy.
– Meniń ulym tórt jasta, oǵan DP dıagnozy qoıylǵan. Astana qalasynan Qaraǵandyǵa jıi mamandar men jattyqtyrýshylar keledi. Biz Abaı qalasynda turatyndyqtan, olardyń qabyldaýyna barý qıyn bolatyn, óıtkeni eki apta qatarynan em alý úshin barý kerek edi. Avtobýspen erekshe balamen júrý qıyn, al taksı qymbat. Jaqynda bizdiń qalada ınvataksı qyzmeti jumys isteı bastady. Bul óte yńǵaıly boldy: júrgizýshiler sypaıy, aparady, kútedi jáne qaıta alyp ketedi. Osyndaı qoldaý kórsetkeni úshin memleketimizge alǵys aıtamyn, – dep bólisti Abaı qalasynyń turǵyny Móldir.
– Bul múgedek adamdardyń ómirin jeńildetetin keremet joba. Invataksı óte yńǵaıly: sizdi kireberisten alyp, qajetti jerge jetkizedi. Men bul qyzmetti únemi qoldanamyn. Eger bul bir kezderi tańsyq bolsa, qazir ol ábden úırenshikti jaǵdaıǵa aınaldy. Eshqandaı problema joq, mashınalar jetkilikti, – deıdi Qamqor plus múgedekter qoǵamdyq birlestiginiń tóraǵasy, Qaraǵandydaǵy Ten Qogam múgedektigi bar adamdardy áleýmettik beıimdeý ortalyǵynyń basshysy Nııaz Súndetalıev. – Jaqynda paıdalanýshylar tizimi keńeıtilýi múmkin. Oblys ákimi jumyspen qamtýdy úılestirý jáne áleýmettik baǵdarlamalar basqarmasyna 18 jastan asqan aqyl-esi kem adamdarǵa da bul qyzmetti tegin kórsetý máselesin qaraýdy tapsyrdy.
Ótinish berý úshin arnaıy chat bar. Ótńnim josparlanǵan sapardan bir kún buryn beriledi. Dıspetchermen ýaqyt kelisiledi.
Qyzmet ashyq jáne jarııaly ıýolýy úshin Qaraǵandyda ONAY! júıesi engizildi. Invataksıde valıdatorlar ornatylǵan, olar ár sapardy tirkeıdi.
