Atyraý qalasynyń turǵyny Batýmı qalasynda ádepsiz qylyq jasady. Qazaqstandyq týrıst áıgili botanıkalyq baqqa barǵan kezde sırek kezdesetin bambýk aǵashyna zaqym keltirgen, dep habarlaıdy “Adyrna” ulttyq portaly.
Týrıst áıel baqtaǵy ósimdiktiń sabaǵyna «ózin estelik retinde qaldyrýdy» oılap, ǵashyqtardyń esimderin oıyp jazyp ketken. Bul áreket baqqa kelýshilerdiń narazylyǵyn týdyrdy.
«Men eskertý jasadym, biraq kórip otyrǵandaryńyzdaı, qyz esh alańdamaı, áreketin jalǵastyryp jatyr», — dep jazdy oqıǵanyń kýágeri bolǵan grýzın turǵyny áleýmettik jelide.
Týrıst áıeldiń bul áreketine baq ákimshiligi de renish bildirdi. Ákimshilik Batýmıdegi botanıkalyq baqtyń tek tanymal týrıstik oryn ǵana emes, sırek kezdesetin ósimdikterdi saqtaý orny ekenin eske saldy.
