İran bilıgı halyqty internetten ajyratpaq, dep habarlaidy "Adyrna" ūlttyq portaly.
Filterwatch ūiymy jariialaǧan esepke säikes, İslam Respublikasy būrynǧy jappai internet senzurasynan bas tartyp, äldeqaida qataŋ ärı qauıptı jaŋa strategiiany taŋdaǧan. Belsendılerdıŋ aituynşa, bilık halyqty syrtqy internet keŋıstıgınen tolyq oqşaulaudy közdep otyr.
«Memlekettık BAQ pen ükımet ökılderı būl özgerıstıŋ uaqytşa emes, tūraqty sipatqa ie ekenın aşyq aityp otyr. Olardyŋ mälımdeuınşe, 2026 jyldan keiın de İranda jahandyq internet tolyq kölemde qaita qalpyna kelmeidı», – dep jazady qūqyq qorǧauşylar.
Kei BAQ mälımetınşe, qauıpsızdık rūqsaty bar nemese ükımettık tekseruden ötken irandyqtarǧa ǧana jahandyq internettıŋ şekteulı, süzgıden ötken nūsqasyna qol jetkızuge mümkındık berıluı mümkın. Al qalǧan azamattar üşın tek ūlttyq internet qana qoljetımdı bolady.
Aita keteiık, būǧan deiın İranda ūlttyq valiutanyŋ kürt qūnsyzdanuynan keiın jappai narazylyqtar bastalǧany habarlanǧan.
