Qostanaıda sport fakýltetinde oqıtyn stýdent esirtki taratqany úshin 11 jylǵa bas bostandyǵynan aıyryldy. Bul týraly búgin, 23 qyrkúıekte Ishki ister mınıstrliginiń baspasóz qyzmeti jazdy, dep habarlaıdy «Adyrna» tilshisi.
Polıııa oblys ortalyǵynyń túkpir-túkpirinde esirtki taratýmen aınalysqan eki adamdy ustaǵan bolatyn. Olardyń biri dene shynyqtyrý fakýltetiniń 4-kýrsynda oqyǵan.
Kúdiktilerdiń jaldamaly páterin tintý kezinde 4 keliden asa sıntetıkalyq esirtki, ıaǵnı a-PVP tárkilendi. Sonymen qatar elektrondv tarazylar, 240 mını magnıt, elektr taspa, folga jáne esirtkini oraýǵa arnalǵan basqa da qurylǵylar tabylǵan.
«Alynǵan partııanyń quny qara naryqta shamamen 100 mıllıon teńge bolady. Polıeıler aınalymǵa 15 myńnan asa dozanyń jiberilýine jol bermedi. Esirtkini asa iri mólsherde taratqany úshin sot úkimimen ekeýine de 11 jylǵa bas bostandyǵynan aıyrý jazasy taǵaıyndaldy»,–delingen habarlamada.
Úkim zańdy kúshine endi.
