Jaqynda ál-Farabı atyndaǵy Qazaq ulttyq ýnıversıtetinde fılologııa fakýltetin 1974 jyly bitirgen túlekter kezdesýi bolyp ótti.
50 jyldyq kezdesý QazUÝ-dyń 90 jyldyǵy aıasynda JOO Rektory Janseıit Qanseıituly Túımebaevtyń kelisimimen josparlanǵan bolatyn. Mereıtoılyq is-sharany QR Memlekettik syılyǵynyń Laýreaty, QazUÝ rektorynyń Keńesshisi, 1974 jylǵy túlek Ótegen Oralbaev uıymdastyrdy.
Kezdesýge elimizdiń ár aımaǵynan 30-ǵa jýyq túlek kelip qatysty. Olar eń aldymen oqý ǵımaratymen tanysyp, endi ǵana úlken ómirge qadam basqan 1-kýrs stýdentterine aqyl-keńesterin aıtyp, jyly lebizderin jetkizdi.
Mereıtoılyq jıyndy ashqan QazUÝ rektorynyń Keńesshisi Ótegen Oralbaev:
«Biz Qazaqstannyń túkpir-túkpirinen kelip, dos boldyq. Ózderińdi kórip jastyq shaǵymyzdy birge ótkizgen kúnderimiz qaıta oralǵandaı bolyp otyr. Osy kúnge deıin, bir-birimizdi umytpaı, aralasyp kele jatyrmyz. 1969 jyly bastalǵan dostyqtyń týyn qulatpaı, áli joǵary ustap júrmiz», – dep bastady.
Fılologııa fakýltetiniń túlekterin quttyqtap, QazUÝ-dyń jýrnalıstıka fakýltetin 1974 jyly aıaqtaǵan Janbolat Aýpbaev ta kezdesýge qatysyp, sóz sóıledi. Ol óz sózinde: «Bizdiń tusymyzda Memlekettik márebesin alǵan úsh ýnıversıtet bolsa, sonyń eń alǵashqysy osy QazUÝ boldy. Biz osy oqý ornyna oqýǵa tústik, sol úshin biz baqyttymyz. Ekinshi baqytymyz – on eki oblystyń ókilderimen birge oqydyq. Úshinshi baqytymyz – ózimiz oqıtyn pánderdiń avtorlarymen, úlken ǵulamalardyń kózin kórgen ǵalymdardyń ózinen sabaq alǵanymyz. Fılfak pen jýrfak tel fakýltet. Eger QazUÝ-da sol jyldary 18 fakýltet bolsa, ekeýi bir-birimen óte jaqyn aralasyp ketken edi», – dedi.
Qara shańyraqtyń jýrnalıstıka fakýltetinde uzaq jyldar boıy shákirtter tárbıelep shyǵarǵan búgingi 50 jyldyq mereıtoı ıesi Dámegúl Baıjigitova da stýdentterge júrekjardy tilekterin jetkizdi. – «Biz oqyǵan jyldary joǵary oqý orny S. M. Kırov atyndaǵy Memlekettik Ýnıversıtet bolatyn. Qazir onyń ataýy ǵana emes, jalpy tehnıkalyq jaǵynan jabdyqtalýy zaman talabyna saı ózgergen. Ál-Farabı kitaphanasynyń ishki qurylymy qandaı ǵajap deseńizshi! Onda kez kelgen stýdentke bilim alý úshin barlyq jaǵdaı jasalǵan. Máselen, 850 oqyrman 10 mınýt ishinde elektrondy kitaptar men oqý quraldarymen bir sátte qamtamasyz etiledi eken. Bizder bilim alǵan kezeńde mundaı múmkindikter bolmaǵan. Sondyqtan jastar men stýdentterge aıtarym, Ábish Kekilbaev aǵamyzdyń «Baǵalaı bilmegenge baq qonbaıdy, qýana bilmegenge qut qonbaıdy» degen sózderin árdaıym este ustap, baǵalaı bilińder. Taǵy da qosarym, Memleketimizdiń basshysy Qasym-Jomart Kemeluly Toqaev halyqqa usynǵan Joldaýlarynda «Adal adam» ıdeıasyn únemi másele etip kóterip keledi. Ol qazirgi jastarǵa qoıylatyn basty talaptar retinde birinshiden, jan-jaqty bilimdi bolýdy; ekinshiden eńbekqorlyqqa tárbıeleý; úshinshiden óz eliniń patrıoty bolýdy usyndy. Osy úsh qasıettiń óskeleń urpaqtyń boıynda bolǵanyn biz de qalaımyz. Qazirgi ınnovaııalyq tehnologııanyń qaryshtap damyǵan kezeńinde sizderge zamanǵa saı tereń bilim alyp, eńbek ete berińder degim keledi», – dedi ǵalym, ustaz.
Kezdesý sońynda sóz alǵan professor Dandaı Ysqaquly fılologııa mamandyǵynyń ereksheligin jetkize kelip:
“ Ásirese, «Sóz – eń bir qýatty qarý», «Sóz» iske aınalady. Ár ulttyń da ereksheligi sózinen kórinedi. Al ustaz bolsa ulttyń bolashaǵyn jasaıtyn eń uly tulǵa. Mysaly, Izraılde 8 mln. evreı bar. Onyń 3 mln. 500 myńy arabtar eken. Qazir osy eki eldiń arasynda jaǵdaı ýshyǵyp otyr. Osy tusta eń bastysy seniń tilińniń myqty bolǵany mańyzdy bolyp otyr. Sonda ǵana kez kelgen eldiń rýhy myqty bolady. Qazir adam kapıtaly ultyń erekshe bolsa ǵana alǵa shyǵady. Sondyqtan bizge qazir qazaq tilin kúsheıtý kerek. Qazaq tiliniń týyn kóteretin bizder, ıaǵnı til mamandary bolǵandyqtan artylar júk kóp ekendigin umytpaıyq”, – dedi.
Is-sharaǵa qatysqan birinshi kýrs stýdentteri oqý ordasyna arnalǵan óleńder oqyp, otansúıgishtikti nasıhattaıtyn ánder oryndady. Kezdesý barysynda jınalǵan túlekter tek esteliktermen ǵana bólisip qoımaı, ál-Farabı atyndaǵy QazUÝ-dyń aldaǵy damý josparymen de tanysty. Olar óz tarapynan joǵary oqý orny men fılologııa fakýltetine eskertkish syılyqtaryn tabys etti. Jalpy 27 myńǵa jýyq stýdent bilim alyp jatqan oqý ordasynda 600 ǵylym doktory, 3 myńǵa jýyq muǵalim, 6 myńnan astam qyzmetker jumys isteıdi. Bıylǵy Qasıetti qara shańyraqtyń 90 jyldyǵy aıasynda ýnıversıtette ótkiziletin túrli ǵıbratty da tarıhı-tanymdyq sharalar men kezdesýler sany arta túspek.
