Batys Qazaqstan oblysy Tótenshe jaǵdaılar departamentiniń materıaldyq-tehnıkalyq bazasyn nyǵaıtýǵa 960 mıllıon teńgeden astam qarjy bólindi, dep habarlaıdy “Adyrna” ulttyq portaly «Moı gorod» saıtyna siltep.
«Aǵymdaǵy jyly materıaldyq-tehnıkalyq bazany nyǵaıtýǵa oblystyq bıýdjetten 962 mln teńge bólindi, bir birlik joǵary ótpeli avarııalyq-qutqarý mashınalary, jeti birlik tirkemeli motopompalar, úsh birlik jyljymaly motopompalar jáne t.b. Tikushaq qyzmetine jergilikti bıýdjetten 71 mln teńge bólindi», - dedi Batys Qazaqstan oblysy Tótenshe jaǵdaılar departamenti memlekettik órtke qarsy baqylaý basqarmasynyń basshysy Mereke Jumaǵalıev.
Jumaǵalıevtiń aıtýynsha, órt qaýipti kezeńde oblysta jalpy aýdany 7050 gektardy quraıtyn 17 tabıǵı órt jáne 90 tabıǵı janý oryn alǵan. 2023 jylmen salystyrǵanda dala órtteriniń sany artqan.
Sonymen qatar, jergilikti bıýdjetten 8,6 mıllıon teńgege 150 dana sómkelik órt sóndirgish satyp alýǵa qarajat qarastyrylǵany habarlandy.
Aıtýynsha, oblysta barlyǵy 480 órt oqıǵasy tirkelip, onyń saldarynan úsh adam qaza taýyp, taǵy alty adam túrli dárejedegi jaraqat alǵan. Keltirilgen shyǵyn kólemi 473 mıllıon teńgeni qurady.
