Abaı oblysynda 19 qyrkúıekte Orlov shahtasynda taý massasy qulap, bir jumysshy qaıtys boldy, taǵy bireýi zardap shekti. Bul týraly KAZ Minerals toby málim etti, dep habarlaıdy “Adyrna” ulttyq portaly.
«2024 jyldyń 19 qyrkúıeginde saǵat 14:20 shamasynda kásiporynnyń eki qyzmetkeri jaraqat aldy. Aldyn ala sebep — taý massasynyń qulaýy. Alǵan jaraqattarynan zardap shekkenderdiń biri aýrýhanada qaıtys boldy. Medıınalyq kómek kórsetilgennen keıin ekinshisi úıine jiberildi», - delingen habarlamada.
Oqıǵanyń mán-jaıy men sebepteri anyqtalýda, qaıǵyly oqıǵany tergeý jónindegi arnaıy komıssııa quryldy.
«Kaz Minerals toby dırektorlar keńesiniń tóraǵasy Oleg Novachýk jazataıym oqıǵany tergeýge jeke qatysý úshin Orlov shahtasyna bardy. KAZ Minerals tobynyń basshylyǵy men ujymy marqumnyń týystary men jaqyndaryna kóńil aıtady. Kompanııa marqumnyń otbasyna jan-jaqty kómek kórsetedi», - dep qorytyndylady kompanııa.
