Jýrnalıst úkimet ǵımaratyna kirý quqyǵyn qaıtaryp aldy, dep habarlaıdy “Adyrna” ulttyq portaly.
Jýrnalıst Jánııa Uranqaevaǵa qatysty «Ádil sóz» qory úkimet apparatyna jasaǵan ótinishinen keıin, Úkimettiń baspasóz qyzmeti ýaqytsha shekteýlerdi qaıta qaraǵany málim boldy.
Uranqaevaǵa 2024 jyldyń 31 jeltoqsanyna deıin óz qyzmetterin tolyq oryndaýǵa múmkindik berdi.
Osy jyldyń 10 qyrkúıeginde úkimet ótkizgen brıfıngte Uranqaevaǵa qatysty máseleni kótergen tilshiler jaýaptylarǵa suraq qoıǵan bolatyn.
Jánııa Uranqaeva óz sózinde qoldaǵan áriptesterine alǵysyn aıtty.
«Búgin (10 qyrkúıek) meniń úkimet otyrysyna qatysa almaǵan alǵashqy kúnim boldy. 6 qyrkúıekten bastap, meni ol jerge kirgizbeıdi. Degenmen, menimen ıyq tirestirip qyzmettes bolyp júrgen áriptesterim maǵan qoldaý bildirdi. Olar meni qoldap, qorǵap, osy qıyn sátte arqa súıerime aınaldy jáne men olarǵa rızamyn», — dedi Jánııa Uranqaeva.
Sondaı-aq atalmysh máselege «Ádil sóz» qorynyń basshysy Qarlyǵash Jamanqulova pikir bildirdi.
«Aldaǵy kúnderi Úkimet akkredıtaııa erejelerin ashyq túrde talqylaýǵa múmkindik beredi. Bar jaǵdaıdyń egjeı-tegjeıin aıta almasam da, jýrnalıster qaýymynyń ustanymdary eskeriledi degen naqty úmit bar ekenin aıtqym keledi. Kelissózder barysynda osy sheshimge kelgen Úkimet apparatynyń kásibı ustanymyna shyn júrekten alǵysymdy bildiremin», — dedi «Ádil sóz» qorynyń basshysy Qarlyǵash Jamanqulova.
