Sınoptıkter 16 qyrkúıekte Qazaqstannyń 15 oblysynda daýyldy eskertý jarııalady. Elimizdiń tórt óńirinde túnde topyraq beti qatyp, úsik júredi dep boljanady. Bul týraly "Qazgıdromet" RMK baspasóz qyzmeti jarııalady, dep habarlaıdy “Adyrna” ulttyq portaly.
Aqparatqa sáıkes, kúndiz Túrkistan oblysynyń soltústiginde shańdy daýyl bolady dep kútiledi. Oblystyń soltústiginde, batysynda, taýly aýdandarynda soltústik-shyǵystan soqqan jeldiń ekpini 15-20 m/s quraıdy. Oblystyń basym bóliginde tótenshe órt qaýpi (5 klass) saqtalady. Shymkent pen Túrkistanda da tótenshe órt qaýpi (5 klass) saqtalady.
Túnde jáne tańerteń Aqmola oblysynyń batysynda, soltústiginde tuman túsedi dep boljanady. Oblystyń batysynda, ońtústiginde, shyǵysynda soltústik-shyǵystan jel soǵady, ekpini - 15-20 m/s. Túnde oblystyń soltústiginde topyraq beti qatyp, synap baǵany 1 gradýs sýyqty kórsetedi, úsik júredi dep kútiledi.
Kúndiz Qyzylorda oblysynyń ortalyǵynda shańdy daýyl turady dep kútiledi. Oblystyń soltústiginde, ortalyǵynda soltústik-shyǵystan soqqan jeldiń ekpini 15-20 m/s quraıdy. Oblystyń basym bóliginde tótenshe órt qaýpi, soltústik-shyǵysynda, soltústik-batysynda joǵary órt qaýpi saqtalady. Qyzylordada kúndiz shańdy daýyl turady. Soltústik-shyǵystan soqqan jeldiń ekpini - 18 m/s. Tótenshe órt qaýpi saqtalady.
Qaraǵandy oblysynyń soltústiginde, shyǵysynda naızaǵaı oınap, kún raıy buzylady dep kútiledi. Túnde jáne tańerteń oblystyń soltústiginde, shyǵysynda tuman túsýi yqtımal. Soltústik-shyǵystan soqqan jeldiń ekpini 15-20 m/s, keı tustarda 23 m/s deıin jetedi. Oblystyń batysynda, ortalyǵynda joǵary órt qaýpi, oblystyń shyǵysynda tótenshe órt qaýpi saqtalady. Qaraǵandyda naızaǵaı oınap, túnde jáne tańerteń tuman túsedi dep kútiledi. Soltústik-shyǵystan jel soǵady, ekpini - 15-20 m/s.
16 qyrkúıekte, tańerteń jáne kúndiz Qostanaı oblysynyń ońtústiginde, shyǵysynda naızaǵaı kútiledi. Túnde jáne tańerteń oblystyń batysynda, soltústiginde tuman kútiledi. Soltústik-shyǵystan jel soǵady, tańerteń jáne kúndiz oblystyń batysynda, shyǵysynda, ońtústiginde ekpini 15-20 m/s kútiledi. Oblystyń ońtústiginde joǵary órt qaýpi saqtalady.
Kúndiz Aqtóbe oblysynyń soltústiginde, ońtústiginde, ortalyǵynda soltústik-shyǵystan soqqan jeldiń ekpini 15-20 m/s quraıdy. Oblystyń basym bóliginde joǵary, ońtústiginde tótenshe órt qaýpi saqtalady. Aqtóbede soltústik-shyǵystan soqqan jeldiń ekpini - 15 m/s. Joǵary órt qaýpi saqtalady.
Kúndiz Mańǵystaý oblysynyń batysynda, ortalyǵynda shyǵystan, soltústik-shyǵystan jel soǵady, ekpini - 15-20 m/s. Oblys boıynsha tótenshe órt qaýpi saqtalady. Aqtaýda da tótenshe órt qaýpi saqtalady.
Túnde jáne tańerten Abaı oblysynyń ońtústiginde, ortalyǵynda tuman túsedi dep kútiledi. Kúndiz oblystyń batysynda, soltústiginde, ortalyǵynda soltústikten, soltústik-shyǵystan jel soǵady, ekpini - 15-20 m/s. Túnde oblystyń shyǵysynda, ortalyǵynda synap baǵany 2 gradýs sýyqty kórsetedi, úsik júredi dep kútiledi. Oblystyń batysynda, soltústik-batysynda, ońtústiginde tótenshe órt qaýpi saqtalady.
