Túrkistan oblysynda 16 jastaǵy qyzy men 45 jastaǵy anasyn aýyldasy aıýandyqpen óltirip ketkeni aıtyldy. Keles aýdanynda jan túrshigerlik qaıǵyly oqıǵa oryn aldy, dep habarlaıdy "Adyrna" ulttyq portaly. Bul týraly jýrnalıst Gúlmıra Ábiqaı jelidegi jazbasynda jarııalady.
30 jastaǵy kúdikti buǵan deıin aýyl mektebinde sabaq bergen. Kúdikti ózi óltirgen mektep oqýshysyna seksýaldyq zorlyq kórsetkeni úshin jumystan qýylǵan bolatyn. Qaza bolǵandardyń týystarynyń aıtýynsha, kúdikti qylmysker osylaısha jumystan shyǵarylǵany úshin kek alǵysy kelgen.
Sol qaraly túnde 16 jastaǵy Nurııa ápkesiniń úıinen ózi úıine kelgen. Týystarynyń aıtýynsha, qaskúnem úıge túngi ekide kirip, aldymen 45 jastaǵy jesir áıeldiń basynan kirpishpen uryp, keıin 10-synyp oqýshysyn zorlaǵan. Olardyń aıtýynsha, zorlyq-zombylyqqa ushyraǵan qyzdyń shyńǵyrǵan aıqaıyn kórshileri estigen.
Marqumnyń denesin jýǵan týystarynyń aıtýynsha, marqumnyń denesiniń saý tamtyǵy qalmaǵan. Qyzdyń bir kózi oıylyp, keýdesi kógerip, anasynyń mıy janshylyp ketken, deıdi. Qan-josa bolǵan úıdi marqumdardyń týystary jýyp shyqqanymen, jantúrshigerlik qylmystyń izderi áli de qalǵanyn aıtady.
Týystary otbasy ıesiniń osydan 15 jyl buryn óltirilgenin aıtady. Jesir áıel Zarıpa Narymbetova úsh qyz tárbıelep ósirip, ekeýin qutty ornyna qondyrǵan. Ol ózi mektepte aspaz bolyp jumys istegen. Anasy men qyzyn óltirdi dep Nurııa oqyǵan mekteptiń dene shynyqtyrý pániniń muǵailimi aıyptalyp otyrǵany aıtyldy.
Jaqyndary onyń bir jyl buryn 15 jastaǵy Nurııaǵa mahabbat hattaryn jaza bastaǵanyn atap ótti. Muny bilgen anasy onyń ústinen mektep dırektoryna shaǵymdanǵan, sodan keıin kúdikti jumystan bosatylǵan. Kináli dep aıyp taǵylyp otyrǵan úsh balanyń ákesi qazir qamaýda otyr. Marqumdardyń týystary onyń bul jantúrshigerlik kisi óltirý áreketin jalǵyz ózi jasaǵanyna kúmándanyp otyr. Olardyń oıynsha, onyń qasynda sybaılasy bolǵan.
12 qyrkúıek kúni anasy men qyzyn jerleý rásimi ótti. Kisi qolynan qaza tapqan marqumdardyń týystary jaqyndarynyń ólimine kúdiktilerdiń anyqtalyp, laıyqty jazasyn alýyn suraıdy.
Qazir bul fakti boıynsha sotqa deıingi tergeý bastaldy.
«Polıııa Túrkistan oblysynyń turǵyny men onyń kámeletke tolmaǵan qyzyn óltirý deregi boıynsha qylmystyq is qozǵady. Kúdikti jedel izdestirý sharalarymen ustalyp, ýaqytsha ustaý ızolıatoryna qamaldy. Qazirgi ýaqytta oqıǵanyń barlyq mán-jaıyn anyqtaý maqsatynda qajetti jedel-izdestirý sharalary júrgizilýde. Basqa málimetter tergeý múddesi úshin jarııa etilmeıdi», - dep habarlady Túrkistan oblystyq polıııa departamentiniń baspasóz qyzmeti.
Polıııa azamattardy jalǵan aqparat taratpaýǵa jáne tek resmı aqparat kózderine senýge shaqyrady.
