Taldyqorǵan qalasyndaǵy Nazarbaev Zııatkerlik mektebinde «Zııat» atty jańa joba bastaý aldy. Onyń avtory 11 - synyp oqýshysy Jánibek Kenjebek.
«Zııat» tanymdyq dárister men qyzyqty adamdarmen kezdesýlerdi qamtıdy. Jobanyń alǵashqy qonaǵy alashtanýshy - ǵalym Eldos Toqtarbaı.
Zııatkerlik mektep oqýshylary úshin «Alash qozǵalysynyń elıtasy: tulǵany damytý, zııaly qaýym, kóshbasshylyq» atty dáris oqydy. Kezdesý barysynda Eldos Toqtarbaı ult-azattyq qozǵalys qaıratkerleriniń batyrlyǵy men eńbekteri týraly aıtyp berdi.
Ózi atap ótkendeı, alashtanýshynyń basty maqsaty - jas urpaqqa XIX jáne HH ǵasyrlar toǵysyndaǵy ulttyq zııaly qaýym ókilderi qozǵalysynyń mańyzdylyǵyn jáne ádildik pen bostandyq úshin kúresýshilerdiń adaldyǵy týraly jetkizý.
Spıker retinde men jastarmen jıi kezdesemin, meni ártúrli bilim berý mekemelerine, eldiń ártúrli aımaqtaryna shaqyrdy. Meniń mindetim Alash qozǵalysyna, olardyń ómiri men qyzmetine óskeleń urpaqtyń boıynda qyzyǵýshylyqty arttyrý, osy kóshbasshylardyń mysaldarynda jastarǵa ulttyq tárbıe berý. Olar sııaqty bilimdi, ultjandy bolsyn deımin, — deıdi Eldos aǵamyz.
Meniń oıymsha, kezdesý patrıottyq tárbıe máselesinde óte mańyzdy. Biz úlken motıvaııa aldyq. Alashordalyqtardyń ómiri men eńbekteri biz úshin, óskeleń urpaq úshin úlgi bolýǵa tıis, — dep bólisti 11 - synyp oqýshysy Eńlik Baǵybaı.
Jobanyń avtory Jánibek Kenjebektiń aıtýynsha, «Zııat» ıntellektýaldy jáne rýhanı-adamgershilik jaǵynan damýǵa baǵyttalǵan.
