Muztaý (Reseıde Belýha atalady) aýmaǵynda Qazaqstan men Reseı arasyndaǵy shekara belgileý máselesi áli júrip jatyr, dep habarlaıdy "Adyrna" ulttyq portaly Kýrsıvke silteme jasap.
Reseı prezıdenti Vladımır Pýtın Qazaqstan men Reseı arasyndaǵy shekarany belgileý máselesin tezirek aıaqtaýdy tapsyrǵan bolatyn. Qazaqstan-Reseı shekarasy Muztaýmen (Belýha) ótetindikten týrıster tabıǵı nysanǵa barǵanda shekaralyq baqylaý erejelerin buzýǵa májbúr ekeni de aıtylýda.
Shekarany naqty belgilep, eki eldiń týrısteri taýǵa erkin kirip-shyǵý máselesi talqylaý týraly senat depýtaty Olga Býlavkına málimdedi.
“Munda barlyǵy shekarany demarkaııalaýdyń qashan aıaqtalýyna baılanysty. Ol jerdegi týrızmniń damýy eki el úshin de mańyzdy. Proess aıaqtala salysymen eki eldiń mınıstrleri ózara kelisimge otyryp, Muztaý aýmaǵyna baryp, týrıstik oryndardyń qalaı ornalasatynyn talqylaıdy”, - deıdi depýtat.
Shyǵys Qazaqstan oblysynyń ákimi Ermek Kósherbaev bul máseleni ózara sheshý kerektigin aıtty.
“Másele tek reseılik týrısterdiń bul aýmaqqa kire almaıtynynda emes. Eger biz ózara baılanysty rettesek, onda bizdiń týrıster de Reseı aýmaǵyna jaqyn bolǵandyqtan shekaradan ótýge týra keledi. Olaı bolmaǵan jaǵdaıda uzaq jolmen aınalyp ótý kerek bolady. Eger qos memleket te shekaradaǵy ótkeldi jasaýǵa nıetti bolsa ony salý kerek”, – deıdi Ermek Kósherbaev.
Onyń aıtýynsha, shekara máselesi úkimetaralyq komıssııanyń otyrystarynda talqylanady. Biraq onyń qashan sheshim tabatyny ortalyq organdardyń kelisimine baılanysty.
Bıyl tamyz aıynyń basynda Reseı basshysy úkimet múshelerimen kezdesýinde «Bizde Qazaqstanmen shekarada sheshilmegen bir másele — Belýha taýy bar. Úkimetaralyq kelisimge qol qoıý kerek. Óıtkeni taýǵa shyǵý úshin Qazaqstannyń aýmaǵyn paıdalaný kerek, ol jaqta shekaralyq rejım bar. Biraq bul másele de bizdiń erekshe baqylaýymyzda», - degen.
Muztaý (Belýha) — Qazaqstan men Reseı shekarasyn bólip jatqan taý. Ol Kóksý aýdany arqyly Altaı respýblıkasy men Shyǵys Qazaqstan oblysynyń aýmaqtary arqyly ótedi.
