Memleket basshysy ótken jyly 1 qyrkúıekte halyqqa Joldaý jasap, birqatar mańyzdy jumystar týraly bólisken, dep habarlaıdy “Adyrna” ulttyq portaly.
Prezıdent Qasym-Jomart Toqaevtyń 2023 jylǵy 1 qyrkúıektegi «Ádiletti Qazaqstannyń ekonomıkalyq baǵdary» atty Qazaqstan halqyna Joldaýynan:
«Elektr qýaty, jylý jáne sý – turmysqa asa qajetti ıgilikter. Ony únemdep paıdalaný kerek. Bul jańa turmystyq mádenıetke aınalýy qajet. Jalpy, bul – úı sharýasyna ǵana emes, tutas ekonomıkaǵa ortaq talap. Qazir sýdy ońdy-soldy paıdalanýǵa múlde bolmaıdy. Úkimet energetıkalyq tıimdilik saıasatyn túbegeıli qaıta qaraýǵa tıis. Onda Ekonomıkalyq yntymaqtastyq jáne damý uıymynyń standarttary eskerilýi kerek», - degen bolatyn.
Joldaý aıasynda kommerııalyq obektiler boıynsha energııa tutyný normatıvteri buıryǵynyń jobasy ázirlendi. Al ony qabyldaý kommerııalyq kásiporyndar úshin belgilengen normatıvterdi saqtaý úshin obektilerdi jańǵyrtýdy júrgizýge yntalandyrýshy áser etedi.
