Máskeý soty Ýkraınanyń Qazaqstandaǵy eks-elshisin alty jylǵa sottady, dep habarlaıdy "Adyrna" ulttyq portaly.
RIA agenttiginiń málimetinshe, Basman soty Ýkraınanyń Qazaqstandaǵy burynǵy elshisi Petr Vrýblevskııdi syrttaı alty jylǵa sottaǵan. Sot burynǵy elshini "ultqa jáne tilge bola óshpendilik pen arazdyq qozdyrǵany úshin" aıypty dep tanyǵany anyqtaldy.
Rezonans týdyrǵan másele Vrýblevskıı 2022 jylǵy suhbaty bolǵan. Vrýblevskıı 2022 jylǵy 21 tamyzda Qazaqstanda jergilikti bloger Dıas Quzaıyrovqa suhbat bergen. Onda elshi Ýkraına áskeriniń soǵysta reseılik sarbazdardy óltirgenin maquldaǵan.
Elshiniń "orys azamattardy óltirip, joıý" taqyrybynda aıtqan sózderi jelige tarap, qoǵamda túrli pikir týdyrdy.
Reseı syrtqy ister mınıstrligi men Qazaqstan syrtqy ister mınıstrligi Ýkraınanyń dıplomatııalyq vedomstvosyna narazylyq bildirip, Qazaqstan SIM "Vrýblevskıı keshirim surady" degen aqparat taratty. Artynsha 2022 jyly qazan aıynda Ýkraına prezıdenti Vladımır Zelenskıı Vrýblevskııdi Ýkraınanyń Qazaqstandaǵy elshisi qyzmetinen bosatqanyn málimdegen bolatyn.
Reseı 2024 jyly Vrýblevskııdiń ústinen qylmystyq is qozǵap, izdeý jarııalaǵan. Aqpanda Reseı ýkraındyq elshi Rosfınmonıtorıng Petr Vrýblevskııdi "terrorıster men ekstremıster" tizimine engizdi. Al artynsha naýryzda Máskeýdiń Basman soty ony syrttaı qamaýǵa alý týraly sheshim shyǵarǵan.
Keshe Reseı soty Ýkraınanyń burynǵy elshisin 6 jvlǵa sottady.
