Atyraýda úsh bala Jaıyq ózenine batyp ketti, dep habarlaıdy “Adyrna” ulttyq portaly.
Atyraý oblysy TJD baspasóz qyzmetiniń málimeinshe, qaıǵyly oqıǵa búgin bolǵan.
"2024 jyly 26 tamyzda saǵat 17:25-te Atyraý qalasy mańyndaǵy Bereke aýylynda úsh balanyń Jaıyq ózenine batyp ketkeni týraly shaqyrtý kelip tústi. Oqıǵa ornyna shuǵyl jetken qutqarýshylar 2008 jyly týylǵan ul balalardyń belgisiz jaǵdaıda jabdyqtalmaǵan orynda sýǵa túsip, batyp ketkendigin anyqtady. Atyraý oblysy TJD súńgýirleri saǵat 18: 25-te eki jasóspirimniń múrdesin sýdan shyǵardy", - delingen TJM habarlamasynda.
Úshinshi balanyń denesi áli izdestirilip jatyr.
