Parıj Olımpıadasynyń kúmis júldegeri Demeý Jadyraev pen qola medal ıegeri Nazym Qyzaıbaıǵa Almaty oblysynyń ákimi Marat Eleýsizuly úı syıǵa tartty, dep habarlaıdy “Adyrna” ulttyq portaly.
Bul týraly áleýmettik jelide Qanat Ábilqaıyr bólisti.
“Almaty oblysy ákimi Marat Eleýsizuly Sultanǵazıevtiń bastamasymen, oblystaǵy kásipkerlerdiń demeýshiligimen Parıj olımpıadasynyń júldegerleri Demeý Jadyraevqa 3 bólmeli páterdiń kilti men 10 mln. teńge, Nazym Qyzaıbaıǵa 3 bólmeli páter men 2 mln. teńge tabystaldy” dep jazdy ol.
Sondaı-aq, bapkerler de syılyqsyz qalmaǵany ataldy.
“Demeý Jadraevtiń tuńǵysh jáne qazirgi bapkerlerine de 2 bólmeli páter syılandy. Almaty oblysynan olımpıadaǵa qatysqan sportshylarǵa 2 mln teńgeden sertıfıkat tapsyryldy” dep qosty Qanat Ábilqaıyr.
Kúmis júldeger Jadyraev alǵys retinde kópshilikke jeńis bıin pash etti.
