Sheteldik jataqhanada ózbek jigitterimen birge turdyq. Ferǵana boks mektebiniń maqtaýyn asyryp, qazaqtan asqanyn abyroı kórip otyratyn. Biz, ádetinshe, “órkenıetti eldiń baǵany - ǵylym-bilimge umtylysy” deımiz ǵoı. Ǵylymı-professorlyq quramdy aıtamyz.
Onyń ózin qunttap jatqanymyz shamaly bolsa da. (Pýltti oılap tapqanymyz bar. Ony da qısynyn taýyp ár áńgimege qystyra ketemiz). Áıteýir, “uıalǵan - tek turmastyń” amal-aılasy ǵana.
Qazaq pen ózbektiń arasyn kenezesi kepken Aral máselesi ashpaıdy, túptiń túbinde ataq-dańqqa umtylys, boks básekesi ashady. Qara da turyńyzdar.
Búgin bizdiń jigitterdiń mass medıa alańynda “Ózbekter kimnen utylsań da, qazaqtan utylýshy bolma dep sportshylaryn tárbıeleıdi” degen byqsyq áńgimesin estidim. Sál uıatty eken. Osyndaı qatynósekti qashan qoıar ekenbiz?..
Órkenıetti el barlyq saladan alǵa shyǵýǵa umtylady. Órkenıetti elge tán sıpat - problemany naqty kóre bilý.
Dıagnozdy naqty qoıyp, problemany tap basatyn Jákishev sııaqty azamattar - damýdyń sanaýı tegershigi. Jigitterdiń tapyraqtap jatqany - qolyna trener ustatqan durys protokol joq.
Qarapaıym qaǵıdany alaıyqshy.
Órkenıetti el - synyptaǵy matematıkaǵa da, ádebıetke de júırik oqýshy sııaqty. Barlyq jaǵynan úzdik. Ne sol úzdikke jeteǵabyl.
“Bizde anaý jaqsy damyǵan, mynaý kemshin, mynaý baǵyt qazaqqa tán dúnıe emes, biz qoıan-qoltyq sport túrine shebermiz”…
Menińshe, mundaı bos áńgimeni táýelsizdikti qaıta qalyptastyrǵanymyzǵa 30 jyl ótkennen keıin de sozdyqtata aıtý - uıatty.
Shyn palýannyń oń-soly bir. Ǵylym- bilimi de, sporty da damyǵysh.
Meniń júzýden beretin trenerim “Sport - medıına. Bizde ǵylymı sport joq” dep jıi aıtatyn. Múmkin osy baǵytqa mán berý kerek shyǵar?
Dastan Kastay
