Aqtóbe oblysy Muǵaljar aýdanynda káriz tazartý kezinde eki adam qaza taýyp, taǵy eki adam aýdandyq aýrýhanaǵa jatqyzyldy. Bul týraly búgin Aqtóbe oblysynyń Densaýlyq saqtaý basqarmasy málimdedi, dep habarlaıdy ”Adyrna” ulttyq portaly.
Málimet boıynsha, qaza tapqan eki er adam da 1966 jyly týǵan. Jumysshylar jedel járdem kelgenshe qaıtys bolyp ketti.
«Metan gazymen ýlanǵan eki zardap shekken adamdy (1978 jáne 1971 jyly týǵan er adamdar) 103 brıgadasy Embi aýdandyq aýrýhanasyna jetkizdi. Somatıkalyq bólimshege jatqyzyldy, dezıntoksıkaııalyq terapııa júrgiziledi. Olardyń jaǵdaıy qanaǵattanarlyq. Gemodınamıka turaqty», - dep atap ótti vedomstvoda.
Polıııa isti QR Qylmystyq kodeksiniń 156-baby, 4-bóligi «eńbekti qorǵaý erejelerin buzý» boıynsha tergep jatyr.
