Aqtóbe oblysynda qatty daýyl soǵyp, ondaǵan úıge zaqym keltirgeni belgili boldy, dep habarlaıdy “Adyrna” ulttyq portaly “Moı Gorod” basylymyna siltep.
Oqıǵa 9 tamyz kúni Oıyl aýdanynyń Kósembaı aýylynda bolǵan. Qatty jel elektr jelileriniń tirekterin, qorshaýlardy qulatyp, úıler men ǵımarattardyń shatyryn ushyrǵan.
«Aýyldyń astań-kesteńi shyqty dep aıtýǵa bolady. Sıyrlar ókirip, qoılar baqyryp... Mal dalaǵa qashty. Baǵanalar qulap, aýyldy qoıý qarańǵylyq basty. Eń bastysy, adamdar tiri. Jel basylǵannan keıin jurt kóshege shyǵyp, qulaǵan shatyrlardyń astynda qalǵan maldy shyǵaryp aldy», - deıdi turǵyndar.
Aqtóbe oblysy ákimdigi Qaıyńdy aýyldyq okrýginiń Kósembaı aýylyndaǵy qatty jeldiń saldarynan 51 ǵımarattyń, onyń ishinde 35 úıdiń shatyry zaqymdanǵanyn habarlady.
