Almatyda salyq tóleýden jaltarý jáne 400 mıllıon teńgeden astam qarjy jymqyrdy degen kúdikti izdeýge jarııalandy, dep habarlaıdy "Adyrna" ulttyq portaly Qarjy monıtorıngi agenttiginiń (QMA) baspasóz qyzmetine siltep.
«QMA Almaty q. boıynsha departamenti QR azamaty Boıko Mıhaıl Adamovıchty (1963 jylǵy 25 maýsym týǵan) izdestirýde. Ol QR Qylmystyq kodeksiniń 245-baby 3-bóligi (salyq tóleýden jaltarý) jáne 218-baby 3-bóligi (qylmystyq jolmen alynǵan aqsha men múlikti zańdastyrý) boıynsha qylmys jasady dep kúdiktelýde. Boıko M.A. balyq ónimderin eksporttaıtyn kásiporyndardan korporatıvtik tabys salyǵyn tólemeı, memleketke 400 mıllıonnan astam teńge zalal keltirgen», - delingen juma kúni taratqan habarlamada.
QMA izdeýde júrgen adamnyń turǵan jeri týraly qandaı da bir aqparatty bilgender bolsa, Almaty qalasy boıynsha Ekonomıkalyq tergeý departamentine (ETD) myna telefon arqyly habarlasýyńyzdy suraıdy:
+7-701-218-05-23;
+7-701-121-47-65 – izdeýshiler úshin;
+7-7272 - 79-29-56 – kezekshi bólim.
«Syıaqyǵa jáne anonımdilikke kepildik beriledi», - dep qosty QMA.
