Parıjde ótip jatqan Olımpıada oıyndaryna kelgen Almaty qalalyq sport basqarmasynyń basshysy Erden Haırýllın kenetten qaıtys boldy. Bul aqparatty QR Týrızm jáne sport mınıstriligi de rastady, dep habarlaıdy “Adyrna” ulttyq portaly.
«Ókinishke qaraı, Parıjde Almaty qalalyq sport basqarmasynyń basshysy Erden Haırýllınnen aıyrylyp qaldyq. Onyń kenetten júregi toqtap, qaıtys boldy», - dedi QR Týrızm jáne sport mınıstriniń qoǵammen baılanys jáne BAQ jónindegi keńesshisi Dıas Ahmetshárip Kazinform tilshisine bergen jaýabynda.
Ol Parıjge týrıst retinde barǵan.
Aıta ketsek, Erden Rashıduly Haırýllın 2009 jyly Q. Sátbaev atyndaǵy Qazaq Ulttyq tehnıkalyq ýnıversıtetin «Avtomattandyrý jáne basqarý» mamandyǵy boıynsha bitirgen, 2011 jyly Q. Sátbaev atyndaǵy Qazaq Ulttyq tehnıkalyq ýnıversıtetin «Ekonomıka» mamandyǵy boıynsha támamdaǵan jáne Azamattyq avıaııa akademııasynyn avıaııa tehnıkasy jáne tehnologııasynyń magıstri dárejesin alǵan.
2012-2019 jyldary Almaly aýdany ákimi apparatynda kásipkerlikti jáne ónerkásipti damytý bóliminiń bas mamany, osy bólimniń basshysy bolyp qyzmet atqarǵan.
2019-2022 jyldary Almaty qalasy Almaly aýdany ákiminiń orynbasary bolyp jumys istegen.
2022 jyldyń mamyrynda Almaty qalasy Sport basqarmasynyń basshysy bolyp Erden Rashıduly Haırýllın taǵaıyndalǵan
