Búgin, 7 tamyz qazaqstandyqtar Almaty áýejaıynda Parıj Olımpıadasyna qatysqan ulttyq qurama sportshylarynyń bir legin qarsy aldy, dep habarlaıdy "Adyrna" ulttyq portaly.
Elge oralǵan sportshylardyń arasynda Olımpıadanyń qola júldegerleri Islam Sátpaev pen Aleksandra Le, kúmis medaldiń ıegeri Narıman Qurbanov boldy. Olardy Almatynyń halyqaralyq áýejaıynan BAQ ókilderi, jaqyndary men janekúıerleri saltanatty túrde kútip aldy.
Aıta keteıik, Islam Sátpaev pen Aleksandra Le 27 shildede pnevmatıkalyq vıntovkamen 10 metrge nysana kózdeýden aralas komandalyq synda Olımpıadanyń qola júldesin jeńip aldy.
3 tamyzda Narıman Qurbanov Parıj Olımpıadasynda sporttyq gımnastıkanyń at snarıadyndaǵy jattyǵýda kúmis júldege ıe boldy.
