Ákimdiktiń qaýlysyna sáıkes, 3 tamyzdan bastap qoǵamdyq kólikterde qolma-qol aqshamen tóleý múmkindigi alynyp tastalady. Bul shara, eń aldymen, tasymaldaý qaýipsizdigin qamtamasyz etýge baılanysty qabyldanǵan, óıtkeni avtobýs júrgizýshisi aqsha jınaýǵa alańdamaı, tek kólik quralyn basqarýy kerek.
Qalalyq mobıldilik basqarmasy búginde jolaýshylardyń 97%-dan astamy jolaqysyn qolma-qol aqshasyz tóleıtinin atap ótti.
Qala turǵyndary men megapolıs qonaqtaryna qolma-qol aqshasyz esep aıyrysýdyń birneshe ádisi qoljetimdi:
«Onay» fılıaldarynda jáne 115 klıentterge qyzmet kórsetý oryndarynda satyp alýǵa bolatyn kólik kartasy arqyly; uıaly telefonnyń SMS arqyly; mobıldi qosymsha arqyly (sheteldik qonaqtarǵa yńǵaıly bolý úshin ınterfeısti aǵylshyn tilinde engizý pysyqtalyp jatyr).Sondaı-aq 3 tamyzdan bastap jol júrý bıletteriniń kelesi quny belgilenedi:
aılyq jol júrý bıleti — 9 900 teńge; stýdenttik aılyq jol júrý bıleti — 4 200 teńge; mektep aılyq jol júrý bıleti — 2 000 teńge; zeınetaqy aılyq jol júrý bıleti — 3 000 teńge.Esterińizge sala keteıik, azamattardyń kelesi sanattaryna tegin jol júrý usynylady: UOS qatysýshylary, 75 jastan asqan zeınetkerler, 1-shi, 2-shi toptaǵy múgedekter, 18 jasqa deıingi múgedek balalar, saıası qýǵyn-súrgin qurbandary jáne basqa memleketterdiń aýmaǵyndaǵy áskerı qımyldardyń ardagerleri.
