Memleket basshysy energetıka mınıstri Almasadam Sátqalıevti qabyldady, dep habarlaıdy “Adyrna” ulttyq portaly.
Mınıstr Almasadam Sátqalıev elimizdiń otyn-energetıka kesheniniń bıylǵy birinshi jartyjyldyqtaǵy damýy jóninde Prezıdentke esep berdi.
Sátqalıevtiń málimetinshe, jyl basynan beri 44,7 mıllıon tonna munaı óndirilgen. Munaı ónimderiniń óndirisi 6,78 mıllıon tonnany quraǵan eken.
Odan bólek, 30,1 mıllıard tekshe metr gaz óndirilip, elektr qýatyn óndirý kólemi 60,4 mlrd kVt/saǵatqa jetkeni baıandaldy.
Al kezdesýde memleket basshysy mınıstrge jylytý maýsymyna daıyndyq boıynsha tıisti jumys júrgizýdi jáne ishki naryqty munaı ónimderimen qamtamasyz etýdi tapsyrdy.
Aıta keteıik, 10 kún buryn mınıstr Sátqalıev gaz baǵasy jyl saıyn kóterilip otyratyny týraly málimdeme jasap, avtoaınalymnan alynatyny týraly málimdeme jasaǵan bolatyn.
