Ishki ister mınıstrligi balalardyń qaýipsizdigine qatysty qazaqstandyqtarǵa eskertý jasady. Bul týraly Polisia.kz málimdedi, dep habarlaıdy “Adyrna” ulttyq portaly.
“Dúnıejúzilik taldaýlar kóliktegi avtooryndyqtar, býsterler jáne adapter qurylǵylary balalardyń jol qozǵalysyndaǵy jaraqat alýynan qorǵaıtynyn dáleldegen. Biz balalarǵa qaýipsizdik deńgeıin baǵalaýdy úırenýge jáne qıyn jaǵdaılarda ózderin senimdi sezinýge kómektesýimiz kerek.
12 jasqa tolmaǵan bala kólikke mindetti túrde arnaıy avtooryndyq arqyly otyrǵyzylýy tıis ekenin bilgenińiz abzal. Talap saqtalmaǵan jaǵdaıda ákimshilik jaýapkershilik kózdelgen”, delingen habarlamada.
Jaıaý júrginshilerdiń ádette belgilenbegen jerden joldy kesip ótip, jaqyndap qalǵan kóliktiń aldynan júgirip ótýi kezinde jáne baǵdarshamnyń tyıym salynǵan sıgnalyna mán bermegen jaǵdaıda jol-kólik oqıǵasyna ushyraý qaýpi joǵary.
Alys saparlarǵa balalardy úlkenderdiń qaraýynsyz kólikke otyrǵyzyp jibermeńiz.
